Belcîka tê agahdarkirin ku divê dêyeke DAIŞî û zarokên wê ji Sûrîyayê vegerîne

Desthilatdarîyên Belcîkî ferman wergirtine ku jineke ku tevlî "Dewleta Îslamî" (DAIŞ) bûbû û herdu zarokên wê ji kampa li Sûrîyayê vegerînin, cihê ku ew lê bi cih e, parêzerekî malbata wê Pêncşemê (31ê Cotmehê) ragihand.

Hikûmeta Belcîkî 75 roj ligel wê hene bo veguhestina jina Belcîkî ya 23 salî û zarokên wê ji kampa Rojê ya li jêr kontrola şervanên Kurd li gorî fermana ku ji alîyê dadgeha Brûsilê hatiye derxistin, parêzer, Nicolas Cohen, ji AFP re ragihand, ev yek jî raporteke televîzyona dewleta Belcîkî teqez dike.

Alîyên pêwendîdar nîqaşeke eşkere li Ewopayê vedikin derbarê çarenûsa welatîyên Ewropayî yên ku tevlî DAIŞê bûne û aniha li kampên li Sûrîya û Îraqê ne piştî têkçûna DAIŞê.

Şervanên Kurd ên kampan kontrol dikin û Amerîka welatên Ewropayî han dan ku welatîyên xwe vegerînin welatên wan daku ew werin dadgehkirin.

Tu vê mijarê diecibînî?
0
0 KOMÊNT
Rêbazên Komentan * MALIKÊN PÊWIST HÎMA BIKE 1500 KARAKTERÊN MAYÎ (1500 Bi PIRANÎ)