Êrîşên asmanî yên Rûsî li ser bakurê rojavayê Sûrîyayê pîrekî dikujin, ew jî dibe yek qurbanî ji dema ku Moskoyê agirbestek li herêmê roja 31ê Tebaxê ragihand, AFP Çarşemê (11ê Îlonê) di raportekê de qal kir.

Agirbesta ku dawî li bordumaneke wêranker a bi dirêjahîya çar mehan ji alîyê rejîm û Rûsyayê ve li dijî Idlibê anî, tevî hemû alozîyên li ser zemînê hat pêkanîn.

Lê Sêşemê, Rûsya yekem êrîşên xwe yên asmanî li herêmê pêk anîn ji çaxê gihiştin bi agirbestê, li gorî Rewangeha Sûrî bo Mafên Mirov.

Rewangehê got ku bordumanê heta berbanga Çarşemê li gundê Dahir dewam kir, û pîrekî 75-salî li wir hat kuştin, û da zanîn jî ku ev yek êrîşa asmanî bû ji çaxê destpêkirina agirbestê ve.

Qurbanî -- Ehmed Îsa Mûsa -- berî çena salan ji Helebê berê xwe dabûn Idlibê, li gorî nûçegihanekî AFP.

"Em raketî bûn... Dema ku me dengê rokêtekê kir ku 50 metreyan dûrî me ket," Ebû Enes, bavê qurbanîyê got.

Ebû Enes got ku bavê wî nikarîbû bi bilez ji malê derkeve ji ber ku wî nikarîbû baş bimeşe, û dema ku rokêta duyem li nêzî wî bi du metreyan ket ew mir.

Tehrîr el-Şam kontrola piranîya Idlibê û herwiha hinek deveran ji parêzgehên Helebê û Laziqiyayê dike.