Hikûmeta Sûrîyayê qebûl kir ku rê bide balefirên kompanîya qerase ya Xetên Asmanî yên Qeterî ku li asmanê welatê wan bifire paş heşt salan ji milmilanî ku hişt balefirên wê li kendavê bin, AFP ragihand.

"Wezîrê Veguhestinê Elî Hemûd qebûl kir ku Xetên Asmanî yên Qeterê derbasî asmana Sûrîyayê bibin, piştî daxwazeke ji alîyê Desteya Balefirvanîya Medenî ya Qeterê," wezaretê Duşemê (22yê Nîsanê) di daxuyanîyekê de ragihand.

Piranîya xetên asmanî nema li asmanê Sûrîyayê firîn piştî destpêkirina şer di sala 2011an, û di şûna wê de wan rêyên geştên xwe dirêj kirin bo xwe ji herêma şer bi dûr bihêlin.

Lê milmilanî heta radeyekê kûm bûye piştî pêşveçûnên mezin ên rejîmê.

"Rêkeftin li ser bingeha berdêlîkirinê ye, ji ber ku Xetên Asmanî yên Sûrî li asmanê Qeterê difirin û tu carî geştên xwe bo Dewhayê di salên şer de ranewestandine," wezaretê dîyar kir.

Wezaretê da zanîn ku dê bikaranîna asmanê Sûrî "dê dahatên bi diravên biyanî di berjewendîya dewleta Sûrîyayê de zêde bike".