Hêzên Iraqî, bi piştgiriya hevpeymaniya navdewletî, derbasî gundê Îmam Xerbî li Geyara li Mûsilê berbanga roja Înê (14ê Tîrmehê) bûn daku gund ji "Dewleta Îslamî" (DAIŞ) vegerînin, Fermadariya Operasyonên Hevbeş a Iraqî got.
DAIŞ derbasî Îmam Xerbî, li başûrûrê Mûsilê, roja 5ê Tîrmehê bû, gund dagir kir û di nava avahiyan de cih girt.
Artêşê roja Çarşemê operasyonek ji bo vegerandina gund da destpêkirin û tedbîrên xwe yên ewlekarî zêde kirin li hawîrdora gund û li deverê daku rê li ber derbasbûyîna bi dizî ya çekdarên DAIŞ bigre.
"Hêzên hevbeş derbasî Îmam Xerbî bûn, 61 km li başûrê Mûsilê, û piraniya gund rizgar kirin," peyvdarê fermandariyê emîd Yehya Resûl ji Diyaruna re got.
Ew pêşketina xwe ya li gund didomînin û xesarên mezin digihîn DAIŞ, wî got.
"Artêşê dora gund dorpêç kir û aniha çekdarên mayî yên DAIŞ li beşekî biçûk ji gund asê mane," wî got.