Balafirên hevpeymaniyê êrîşên serkeftî li ser cihên "Dewleta Islamî li Iraq û Şamê" (DAIŞ) li parêzgeha Enbarê pêk anîn, Wezareta Berevaniyê roja Duşemê (25'ê Tîrmehê) got .
"Li ser bingeha agahiyên istixbaratî ji aliyê Hêzên Iraqî û Istixbaratên Giştî û Birêveberiya Ewlekariyê ve, balafirên şerker ên hevpeymaniyê sibeha Duşemê êrîş li ser çend cihên DAIŞ li Cezîret el-Xalidiye û el-Qaim pêk anîn, li rojhilat û rojavayê paytexta parêzgeha Enbarê Remadî," emîd Yehya Resûl ji Diyaruna re got.
Êrîşan du kargeh wêran kirin, yek ji bo çekirina bombeyan û ya din jî ji bo bombebarkirina wesayîtan bi teqemeniyan bû, wî got, û bal kişand ku di êrîşan de "herî kêm 30 terorîst hatin kuştin".
