Êrîşeka xwekujî ya ku ji aliyê çekdarên "Dewleta Îslamî li Iraq û Şamê" (DAIŞ) hat pêkanîn herî kêm 5 endamên hêzên ewlekariya Iraqê roja Duşemê (13ê Hezîranê) kuştin, AFP ragihand.
Êrîşê bingeheke artêşê li Remadî kir armanc bi rêya çend otombîlên bombekirî ku ji aliyê kesên xwekuj û çekdarên ku gule berdan leşkeran ve dihatin ajotin, fermandarê fermandariya operasyonên Enbarê Lîwa Îsmaîl el-Mehelawî got.
"Hêzên me hemû êrîşker kuştin û hemû otombîlên bombekirî wêran kirin lê belê hin kuştî û birîndar di nav pileyên artêşê de hebûn," wî got.
Du efserên bilind ên artêşa Iraqê, ku nexwestin navên wan bên eşkerekirin, gotin ku di êrîşê de pênc leşker hatin kuştin û 11 jî birîndar bûn.
Artêşa Iraqê di destpêka vê salê de kontrola xwe li ser Remadî, paytexta parêzgeha Enbarê, vegerand.
