Terorîzm

2 endamên şana 'Beatles' a DAIŞê ji ber cihgirtin di kuştin welatîne Amerîkî de li Amerîkayê hatin dadgehkirin

AFP

image

Dozgerê Giştî yê Amerîkî Zachary Terwilliger (yê duyem li çepê) ji ragihandinê re diaxêve piştî rûniştina yekem a dadgehkirina Alexanda Kotey û El Şafî Elşêx, çekdarên DAIŞê yên navê "Beatles" li xwe kiribûn, li Dadgeha Herêmî ya Amerîkî li Alexandria, li Virginia, roja 7ê Cotmehê. [Nicholas Kamm/AFP]

Du endamên şaneke qirêj a "Dewleta Îslamî" (DAIŞ) ku navê wê "Beatles"Çarşemê (7ê Cotmehê) pêşberî dadgeheke Amerîkî bûn piştî ew ji Îraqê bo Amerîkayê bi balefirekê hatin veguhestin bo ew ji ber kuştina çar dîlên Amerîkî werin dadgehkirin.

El Şafî Elşêx, 32-salî, û Alexanda Kotey, 36-salî, bi cihgirtin di kuştina rojnamegerên Amerîkî Peter Kassig û James Foley and Steven Sotloff di warên hawarçûnê de Peter Kassig and Kayla Mueller de tên tawanbarkirin.

Her du kesên ku berî niha welatîyên Berîtanyayê bûn li ba hêzên Amerîkî li Îraqê ji Cotmeha 2019an ve girtî bûn, piştî ew di Kanûna Yekem a sala 2018an de ji hêla Hêzên Kurdî yên Sûrî hatibûn girtin.

Ew ji hêla sîxurên FBI ve roja Çarşemê bo Amerîkayê hatin anîn û sûcên wan hatin xwendin di derketina wan a pêşîn de li pêşberî dadgeheke Federal li Alexandria.

Ew endamên DAIŞê yên bi reh bi cilên zindanê, bi kum û maksan di vîdyoyekê de ji cihê ew lê girtî ne li Virginyayê dîyar bûn, beyî cihê wan were eşkerekirin.

Ji bilî kuştina her çar Amerîkîyan, Elşêx û Kotey tên tawanbarkirin ku wan di kuştina du kesên Berîtanî de, bi navên Alan Henning û David Haines, û çendîn dîlan de, di nav de du welatîyên Japonî, cih girtiye.

"Peyama me bo terorîstên din li seranserê cîhanê ev e -- eger ew ziyanê bigihînin Amerîkîyan, ew dê bibin armanca çekên Amerîkî li meydanên şer û yasayên Amerîkî li dadgehan," Dozgerê Giştî Bill Barr ragihand. "Di her du rewşan de, em dê heta dawîya cîhanê bidin ser pişta we bo ew dadmendîyê bi cih bînin."

"Hûn qet ji dadwerîyê xelas nabin"

Her du endamên DAIŞê ji nasnameyên wan ên Berîtanî hatine mehrûmkirin û veguhestina wan bo Amerîkayê pêkan bû piştî ku desthilatdarê Amerîkî Berîtanya dilniya kir ku ew dê cezayê mirinê wernegirin.

Berîtanya meha borî belgeh û delîl li dijî wan dan desthilatên Amerîkayê û peyvdarekî bi navê serokwezîr Boris Johnson Çarşemê ragihand "em dixwazin ku dadwerîyê were pêkanîn".

Malbatên oley, Kassig, Sotloff û Mueller pêşwazî li anîna her du endamên DAIŞê bo Amerîkayê bo ew werin cazakirin kirin.

"James, Peter, Kayla û Steven hatin revandin, eşkencekirin û birçîkirin û kuştin li ser destê endamên DAIŞê li Sûrîyayê," malbatên wan di daxuyanîyeke hevbeş de gotin. "Aniha malbatên me dikarin hesab bo wan tawanên li dijî zarokên xwe li dadgeheke Amerîkî bixwazin."

"Em hêvîdar in ku dê hikûmeta Amerîkî karîbe peyameke girîng bigihîne, ew jî ev e, eger hûn ziyanê bighînî Amerîkîyan, hûn qet ji destê dadwerîyê xelas nabin," wan got. "Dema hûn werin girtin, hûn dê rûbirûyê yasayê Amerîkî bibin."

''Eşkenceya cesteyî û derûnî"

Desteya bilind a dozgeran ku ji heşt endaman pêk tê ew bi gelek sûcan tawanbar kirin di nav de dîlkirin û kuştin.

Eger ew werin sûcdarkiri, ew dê cezaya herî giran bibin ku ew jî bhûrandina tevahîya jîyanê di zindanê de ye.

Şana DAIŞê ya çar-endam a ku Kotey û Elşêx tê de bûn bi navê "Beatles" lê hat binavkirin ji ber devokîya wan a Berîtanî.

Wan qurbanîyên xwe eşkence kirin û kuştin, di nav de serjêkirin, û DAIŞê dîmenên vîdyo yên mirina wan bo meremên propagandayî belav kirin.

Li gorî tohmetan, Kotey û Elşêx di revandina Amerîkîyan, Ewropayîyan û Japonîyan de li Sûrîyayê cih girtin di nava salên 2012 heta bi 2015an ligel du endamên din ên Berîtanî di koma "Beatles" de.

Mezinê bandê Muhemed Emwazî, ku bi nabê "Cîhadî John", di êrîşeke asmanî ya Amerîkî de di Mijdara 2015an de hat kuştin lê endamê çarê yê "Beatle", Aine Davis, li Turkîyayê di zindanê de ye piştî ew bi terorîzmê hat sûcdarkirin.

Li gorî desthilatdarên Amerîkî, Kotey ê ku li Londonê ji dayîk bûye û Elşêx ê li Sudan ji dayîk bûye, di sala 2012an de berê xwe dane Sûrîyayê piştî ew li Berîtanyayê radîkal bûbûn.

Wan serpereştîya girtîgehan dikin û wan danûstandinên têkildarî serbestberdana li hember pereyan bi rêya emailê bi rê ve dibirin, li gorî desthilatdarên Amerîkî.

Wan got ku ew her du kes "tevlî şêwazên pir dûvûdirêj ên tundîya cesteyî û derûnî li dijî dîlên xwe bûne", di nav de lêdan, eşkenceya derûnî û xorkirina di avê de.

Tu vê mijarê diecibînî?

0 KOMÊNT
Rêbazên Komentan * MALIKÊN PÊWIST HÎMA BIKE 1500 / 1500