Pasdarên Şoreşa Îslamî ya Îranê (Pasdaran) xebatên tecnîdkirinê li parêzgeha Dêra Zorê ya Sûrî berfireh dike, ku bi dehan ciwan û sîpeyên ji gundên li deverên gundewarî tecnîd kirine da wan tevlî milîsên girêdayî xwe bikin, çalakgerekî herêmî ragihand.
Pasdaran dest bi pêngaveke tencnîdkirinê ya berfireh li deverinan li parêzgeha rojhilatî kiriye weke bersiv bopêngava Rûsî ya tecnîdkirina ciwanên herêmê bo wan tevlî milîsa Feyleqê 5an ê girêdayî xwe kirine, çalakgerê Dêra Zorê Cemîl Ebid Pêncşemê (3yê Îlonê) ji Diyaruna re ragihand.
Wî anî ziman ku mucend malbatên hejar û ew kesên ku ji deverên gundewarî ne dikin armanc, ku bi dehan ciwan -- di nav de sîpe û hîna biçûktir-- bi soza pereyan tên xapandin da tevlî milîsan bibin.
Wî got ku dêûbav jî rastî fişarê tên û bi pereyan tên xapandan da zarokên xwe bişînin û tevlî milîsan bibin.
Ebid da zanîn ku mûçeyên tên dayîn ne zêde bilind in, û bi tenê 100,000 lîreyên Sûrî (50 dolar) herî zêde digihîjin kesên tencnîdkirî û ciwanên asayî.
Piranîya kesên nû hatine tecnîdkirin bo di rêzên milîsan de cih bigirin hatine amadekirin, ew jî bi rêya beşdarîya wan di kampên rahînanê de, yên ku Navenda Çandî ya Îranî li Dêra Zorê wan bi rêxistin dike, wî got.
Ebid destnîşan kir ku ev hêzên ciwanan weke hembêzkerekê bûn ku ciwanan fêrî idyolojîya Pasdaran dikin û hinek rahînanên serbazî ji wan re pêk tînin.
Wî anî ziman ku Hizbulaha Lubnanî weke nimûneyeke tecnîdkirin û amadekirina ciwanan rolê digerîne, da zanîn jî ku wê heman rêbaz bi dirêjahîya gelek salan bo tecnîdkirina ciwanan li Lubnanê pêk anîye.
Çalakîyeke neasayê ya Hizbulahê li Dêra Zorê di çend heftîyên borî de hebû, taybet li beşê rojhilatî yê bajêr û bajarokê Ebû Kemalê yê li ser sînorê Îraqî- Sûrî.
Ebid got ku amadekarî li van deveran tê kirin da navendên ewlehîyê werin avakirin -- ew jî deverine taybet bo milîsan in weke "meydayên ewlehî" yên Hizbulahê li navçeya başûrî ya Beyrûtê.