Sê çekdarên "Dewleta Îslamî" (DAIŞ) di operasyoneke hêzên Îraqî de, bi piştevanîya asmanî ya Îraqî û hevpeymanîyê, li rojavayê parêzgeha Selahedînê hatin kuştin, berpirsekî serbazî yê Îraqî Duşemê (10ê Tîrmehê) ragihand.

Herdu rojên derbasbûyî, hêzên Fermandarîya Operasyonên Selahedînê, bi hevahengîya bi fermandarîyên Operasyonên hevbeş û Hêzên Bejahî re, girtin ser veşartgehine DAIŞê li bakurê Wadî Sersar li rojavayê parêzgeha Selahedînê.

Yekîneyin ji Lîwaya 91ê ya Piyadê, foca automatîk a Firqeya 9an a artêşê, tîma rewşên awarte ya fermandarîya polîsê Selahedînê, SWAT û yekîneyên tektîkî, ew jî beşdarî operasyonê bûn, Fermandarê Operasyonên Selahedînê lîwa Ebdul Mihsin Ebasî ragihand.

Devera armanckirî deverek dûrdest e û di navbera navçeyên Şerqat û Hetrayê de ye, ku gelek tunelên xwezayî yên ji alîyê tundrewan weke veşartgeh têne bikaranîn li wir hene.

Ebasî anî ziman ku "hêza asmanî ya Îraqî û balafirên hevpeymanîya navdewletî piştevanîya yekîneyên me di dema êrîşên li ser tunel û şikeftan de kir ku endamên dijmin li wir kom dibûn".

Wî got ku "sê terorîst di êrîşa li ser tuneleke mezin de hatin kuştin," û da zanîn jî ku hêzên wan veşartgehên din jî bêyî ti piştevanîya asmanî wêran kirin.

Ebasî dîyar kir ku herî kêm 10 tunel û stargeh di operasyonê de hatin wêrankirin.

Wî da zanîn ku gelek operasyonên serbazî yên din li Selahedînê pêk hatin, a herî dawî jî armanckirina veşartgehên tundrewan li Cisr Beke li Wadî Sersar bû, û gelek çekdar hatin kuştin.

Bipaşdevegera karînên DAIŞê

Wî daxuyand ku paşmahîyên DAIŞê yên ji sînorê Sûrîyayê derbasî Îraqê dibin an ên di biyabana rojavayî re tên, devera wadî û Cezîra ya li rojavayê Selahedînê weke nuqteyeke hevdîtinê bi kar tînin.

Ebasî got ku ji wir ew li deverên bakurî û rojhilatî yên Îraqê belav dibin, weke çîyayên Mexmûr û Mexûl û biyabana Hetrayê.

Wî dîyar kir ku operasyonên ewlehî yên girankirî tevgerên çekdaran pir kêm kirin û rêyên piştevanî û veguhestina wan birîn.

Ebasî dîyar kir ku "em hertim li pey wan in û liv û tevgera wan bi dron û koleçana asmanî dişopînin ku pşkinîneke giştî û rojane ji deverên ku tê payîn hebûna terorîstan li wan heye tê kirin.