Tendirustî

Pêla germê jîyana bêwarên Idlibê kambax dike

Welîd Ebul Xêr li Qahîrayê

image

Endamekî Xûzeyê Sipî alîkarîya seretayî ji kesên ku bi jehrîya xwarinê ketine dabîn dike li kampa Reyanê li bakurê-rojavayê Idlibê. [Wêne ji Berevanîya Sivîl a Sûrî hatiye wergirtin]

Pêla germê ya ku girte ser beşine Sûrîyayê derdên niştecihên bêwar girantir kirin, di nav de ew kesên ku li kampên li gundewarê Idlibê bi cih in, endamekî Xûzeyên Sipî ji Diyaruna re ragihand.

Xalid Xetîb got ku niştecihên kampê rastî şert û mercên dijwar tên,û destnîşan kir ku hejmarek ji xelkê ji ber ku mar û dûpişkan bi wan ve da tên dermankirin.

Herwiha jehrîya xwarinê li kampan belav bû, wî ji Diyaruna re ragihand, di hin haletan de genîbûna xwarinê ji ber bilindbûna pileyên germahîyê ye û hineke din gazin ji serwextketina berhemên xwrinê kirin.

Wî got ku di bûyera herî dawî de li kampa Reyanê li bakurê-rojavayê Idlibê, dora 70 kes, di nav wan de gelek zarok, ji ber xwarina xwarina xirabûyî nexweş ketin.

image

Ev konê ku yê malbateke bêwar e li kampekê li nêzî bajarokê Ram Hemdanê li gundewarê bakurî yê Idlibê ye, di agirê vê dawîyê de şewitî û bi erdê ve ma. [Wêne ji Berevanîya Sivîl a Sûrî hatiye wergirtin]

image

Du endamên Xûzeyên Sipî agir li zevîyekî vedimirînin daku nehêlin ber bi kampên bêwarîyê yên nêz ve belav bibe. [Wêne ji Berevanîya Sivîl a Sûrî hatiye wergirtin]

image

Sivîlek li gundewarê başûrî yê Idlibê bo dermankirinê hatiye veguherstin piştî ku marekî pê ve daye. [Wêne ji Berevanîya Sivîl a Sûrî hatiye wergirtin]

Wî got ku ev haleta çarem e ku gelek kes bi jehrîya xwarinê dikevin di van heftîyên dawî de û destnîşan kir ku herwiha haletine tek tek li kampê hebûn.

Xalid got ku niştecihên kampê yên ku gelekî ziyan gihabû wan bo navendeke bijîşkî hatine guhestin daku werine dermankirin.

Wî da zanîn ku herwiha pileyên germahîyê yên bilind û şert û mercên ziwayîyê xeterîya ku agir bi konan bikeve zêde kir, ji ber ku bi hêsanî agir bi wan dikeve bi çirûskeke kehrebeyê yan di hin bûyeran de ji ber berhemên neftê yên di çêkirina xwarinê de tên bikaranîn.

Malbatên ku ji ber agir konên wan ji dest wan çûn bi rastî bê war man, "bê penayek û tenê çend kel û pel û pêdivîyîyên wan hene", wî got.

Wî got ku di heman demê de agir bi berdewamî digire deverên daristanî û çandinî, di hin haletan de cebilxaneyên neteqiyayî yên ku ji alîyê balefirên şer ên Sûrî û Rûsî hatine avêtin diteqin û agir bi wan dikeve.

Wî got ku zad têk çûne û gef heye ku agir belav bibe kampên nêzîk,û destnîşan kir ku tîmên vemirandina agiran ên Xûzeyên Sipî gelekî kar dikin bo rêgirtin li ber belavbûna agir.

Tu vê mijarê diecibînî?
1
0 KOMÊNT
Rêbazên Komentan * MALIKÊN PÊWIST HÎMA BIKE 1500 KARAKTERÊN MAYÎ (1500 Bi PIRANÎ)