Bepirsekî Îraqî ragihand ku hêzên Îraqî roja Duşemê (4ê Gulanê) operasyoneke lêgerînê li endamên "Dewleta Îslamî" (DAIŞ) li biyabana Enbarê dest pê kirin.

Operasyona "Şêrên Biyabanê" dê deverên Wadî Horan û Husênîyat, heta bi sînorê bi Sûrîyayê re, bide ber xwe.

Hêzên hevbeş ên Fermandarîya Operasyona Cezîre û Heşda Êlan, bi piştevanîya hêza asmanî ya Îraqî, lêgerîn li veşartgehên DAIŞê li biyabana Wadî Horan û li deverên li başûrê bajarê Qaimê li rojavayê Enbarê pêk anîn, eqîd Mûsa Hemed Sened, serokê Hêzên Êlên Ferata Jorîn, ji Diyaruna re ragihand.

Wî da zanîn ku sê endamên DAIŞê di navgînekê de bû di dema pêkhatina operasyona lêgerînê de.

Wî got ku hêzên Îraqî dan ser pişta navgînê heta bi gundê Mudimê, "li wir ew bi terorîstên ku xwe li mizgeftekê û xanîyekî kevin ê şivanan vedişartin re ketin pevçûnan de".

"Pevçûneke giran bi terorîstan re qewimî, piştî ew bê cebilxane man, wan kemberên xwe yên teqîner teqandin," Sened eşkere kir.

Wî da zanîn ku navgîn "mişt qasên mezin ên bombeyên bidestçêkirî bû", û teqez kir ku milîtanan plan dikir ku teqemenîyan li ser rêyên bajarokên nêzîk biçînin bo armanckirina hêzên ewlehî û sivîlan.

''Operasyonên êrîşbar''

Operasyon "beşek ji xebateke parêzîyên li hember êrîşên dawî yên dijmin e, êrîşên ku li parêzgehên Selahedîn û Diyalayê pêk hatine," Sened got.

Wî teqez kir ku Fermandarîya Operasyonên Hevbeş hemû yekîneyên serbazî agahdar kirine ku operasyonên lêgerînê pêk bînin, û giranî bidin biyabanê, ji ber êrîşên li ser gund û bajaran li wir tên amadekirin.

Wî dîyar kir ku dê ev hêz "êrîşan li dijî dijmin" careke din bidomînin bo rê nedin DAIŞê ku êrîşan pêk bîne û careke din cihêpêyê xwe li deverê çê bike.

Wî daxuyand ku qeyrana siyasî ya Îraqî û petaya vayrûsa Koronayê (COVID-19) bandoreke "nerênî li operasyonên ewlehî kiriye".

Sened got ku vê rewşa heyî rê daye bermahîyên DAIŞê ku êrîşan li ser xal û navendên ewlehî pêk bînin, bi rêya bikaranîna stargehan û şanên ku wan ew vê dawîyê careke din xistine kar de.

Wî got ku armanc ji operasyona nû "naskirina cihên van veşartgehan û wêrankirina wan, felckirina tevgera dijmin û astangkirina wî ye".