![Fermandarê Operasyonên Samerayê lîwa Îmad Zuhêrî serpereştîya planeke êrîşkirina li ser asêgehên paşmahîyên DAIŞê yên li başûrê parêzgeh Selahedînê dike, di 20ê Tîrmeha 2019an de. [[Wêne ji Wezareta Berevanîyê ya Îraqî hatiye wergirtin]](/cnmi_di/images/2020/02/25/22678-Iraqi-Officers-Salaheddine-700_496.webp)
Bi dehan kesên dihatin xwestin di operasyonên ewlehî yên bo girtina endamên mayî yên "Dewleta Îslamî" (DAIŞ) li başûrê parêzgeha Selahedînê hatine girtin, Fermandarîya Operasyonên Samerayê ragihand.
Di herdu heftîyên borî, hêzên fermandarîyê "operasyonên ewlehî yên taybet" pêk anîne, lîwa Îmad Zuhêrî ji Diyaruna re Sêşemê (25ê Sibatê) ragihand.
Wî daxuyand ku ev operasyon "gelek deverên erkdarîya Fermandarîya Operasyonên samerayê li başûrê parêzgeha Selahedînê didin ber xwe, ku rûbera wan dora 13,000 kîlometrên ducar in û çar navçeyên îdarî dihundirînin".
Ew ji pêkanîna kemîn û xalên pişkinînê yên nişkayî, êrîşkirina li ser cih û veşartgehine dîyarkirî û pêkanîna operasyonên legerînê û ramaliştinê, bi taybetî li deverên hevsînor ligel parêzgehên Diyala û Enbarê, pêk tên, li gorî Zuhêrî.
![Leşkerên Îraqî yên Fermandarîya Operasyonên Samerayê li paşmahîyên DAIŞê yên li deverên çandinîyê yên dûrdest digerin, roja 9ê Kanûna Duyem. [Wêne ji Wezareta Berevanîyê ya Îraqî hatiye wergirtin]](/cnmi_di/images/2020/02/25/22675-Iraq-Samarra-Operations-700_496.webp)
Leşkerên Îraqî yên Fermandarîya Operasyonên Samerayê li paşmahîyên DAIŞê yên li deverên çandinîyê yên dûrdest digerin, roja 9ê Kanûna Duyem. [Wêne ji Wezareta Berevanîyê ya Îraqî hatiye wergirtin]
113 kesên tên xwestin hatine girtin
"Di van operasyonan de 113 kesên ji ber tawanên terorî, tawanên din û binpêkirina yasayê dihatin xwestin hatin girtin," Zuhêrî got.
Wî got ku hêzên Îraqî herwiha dest danîn ser qasên mezin ên cebilxaneya ku DAIŞê li pey xwe hiştibû û ew teqandin, ligel wêrankirina stargehên mişt xwarin û pêdivîyên lojistî.
"Komên terorîst hewl didin ku sûdê ji rewşa neyasayî ya li welat bibînin bo çalakîyên xwe yên dijminkarî bidomînin" wî got. "Atmosfîreke siyasî û herêmî ya ne seqamgîr ji wan re weke dîyarîyekê ye."
"Lê ew çavdêrîya tevgerên van koman dikin û hertimî em planên wan çepel dikin û êrîşan dibin ser wan bo wan di rewşeke pir şepirzeyî de bihêlin," wî got.
Yekşemê, êrîşeke li ser bajarokê Îşaqî li navçeya Beled a parêzgeha Selahedînê bû sedema kuştina kesekî û birîndarkirina kesekî din.
Zuhêrî teqez kir ku êrîş xwedan xwezayeke tawankarî ye û ne kiryareke terorî ye.
"Du çekdar, yek ji wan tifingek hil digirt û yê din çekekî din hil digirt, êrîşî kafîtêryayeke navdar li Îşaqî êvara Yekşemê kirin," wî got.
"Hîn operasyon li dar e û hewlên me yên bo girtina sûcdaran û radestkirina wan ji dadgehê re berdewam in," wî got.
Zuhêrî raportên qala êrîşeke din ku yarîgeheke werzişê ya navdar li navçeya Beled armanc kir red kirin û got "ev nûçe ne rast in".
