Ewlehî

Mûşekbarana li ser baregeheke Sûrî 3 çekdarên bi ser Îranê ve dikuje

AFP

image

Di vê wêneyê ku di 7ê Nîsana 2017an de hatiye kişandin, balafirgeha Şiêrat a rejîma Sûrî ya li parêzgeha Homsê wêrankirî xuya dibe piştî ku bi mûşekên Tomahawk cruise yên Amerîkî hatibû armanckirin weke bersiv bo êrîşeke bi gazê ku 86 kes li Xan Şêxûnê kuştin.[STRINGER/AFP]

Rewangeha Sûrî bo Mafên Mirov ragihand ku di êrîşa Sêşemê (14ê Kanûna Duyem) li ser baregeheke asmanî ya Sûrîyayê de herî kêm sê çekdarên bi ser Îranê ve hatin kuştin.

Çar mûşek li baregeha T4 a li parêzgeha Homsê li bakurê Şamê ketin, derdora demjimêr 10ê êvara Sêşemê, li gorî ajansên ragihandinê yên Sûrîyayê, û wan got ku êrîş bi tenê bûye sedema ziyanên madî û tu qurbanî tune ne.

Li gorî Rewangehê, herî kêm sê çekdarên bi ser Îranê ve hatin kuştin.

Rewangehê dîyar kir ku êrîşê embareke çekan a Îranê, du otombêlên serbazî û avahîyek hît tê avakirin wêran kirin.

Birêveberê Rewangehê Ramî Ebdul Rehman destnîşan kir ku kuştî hemû ne Sûrî ne, û da zanîn jî ku hêzine Îranî û şêwirmendine serbazî yên Rûsî li baregehê hebûn.

Tu vê mijarê diecibînî?
2
0 KOMÊNT
Rêbazên Komentan * MALIKÊN PÊWIST HÎMA BIKE 1500 KARAKTERÊN MAYÎ (1500 Bi PIRANÎ)