Çalakgerên Sûrî li hundir û derveyî welat dest bi kampanyayeke cihanî kirine li ser medyaya civakî ku tê de bang rawestandina tundîya ji alîyê rejîma Sûrî û êrîşên asmanî û topbaranên Rûsî li dijî sivîlan dikin.

Bêtirî 90,000 sivîl hatin di mehekê de hatin bêwarkirin li deverên ku şer li wan zêde bû, çalakgerekî ji Idlibê bi navê Museb Esaf ji Diyaruna re ragihand.

Beşine gundewarê başûrê Idlibê bi taybet rastî êrîşên asmanî û bombebarandina dijwar hatin ku ziyaneke wêranker gihandine malan û binesazîyên sivîl û nexweşxaneyan, wî got.

Esaf got ku vê pêla tundîyê ya dawî hişt ku çalakgerên Sûrî dest bi kampanyayekê bikin li ser medyaya civakî bi haştageke bi zimanê Îngilîzî û Erebî, #ادلب_تحت_النار and #IdlibUnderFire.

Ew giranîyê didine nûçeyên derbarê Idlibê û bombebarandin û êrîşên asmanî ku deverên sivîl armanc dikin, li gel ew giranîyê didine xisarên ku tundî li ser niştecîyên sivîl encam dide û hejmara mezin a qurbanîyan di nav zarokan de.

Kampanya hewl dide piştrast bike ku tu armancên serbazî li van deveran nînin, û bêlî ye ku armanc ew e ku zorê li sivîlan bikin ku ber bi derdora parêzgeha Idlibê ve biçin û ber bi deverên hundirî û deverên nêzî sînorê Tirkî ve herin.

Esaf got ku bêtirî 40 bajar, bajarok û gund rastî bombebarandin û êrîşên asmanî tên bi awayekî rojane, ku di encamê de bi dehan sivîl mirin, di nav wan de jin û zarok û gelek kesên din birîndar bûn.

Wî got ku tîmên rizgarkirinê yên Xûzeyên Sîpî berdewam alîkarîya birîndaran dikin û wan diguhêzine navendên bijîşkê yên kêm mane da ku werin dermankirin di rewşên lezgîn de.

Wî anî ziman ku ev kar tê kirin di şert û mercên gelekî zehmet de ji ber kêmbûna hejmara navendên bijîşkî, kêmbûna dabînkirinên bijîşkî yên sereke û zêdebûna hejmara nexweşên ku hewcedarîya wan bi dermankirinê heye.

Esaf not kir ku bazarên gelêrî li bêtir ji pênc bajarokên Idlibê ji alîyê êrîşên asmanî ve hatin armanckirin di van hefteyên dawî de.