Destpêkirina zivistanê hişt ku rewşa bêwaran a xirab kambaxtir bibe li gundewarê Idlibê ji ber ji wan tê xwestin ku xwe bi xwe berevanîya xwe bikin ji ber ku rêxistinên mirovî tune ne, çalakgerekî xwecihî Çarşemê (6ê Mijdarê) ji Diyaruna re got.

Bêwar derdê lehîya ku dide bin kon û samanên wan ên kêm dikişînin, çalakgerê ji Idlibê Museb Esaf ji Diyaruna re ragihand.

Wî got ku kampa Kefer Humê li gundewarê bakurê Idlibê ya ku ziyana herî mezin gihayê, ku bi dehan malbat bêmal man piştî ku lehîyê da bin konên wan, û not kir ku niştecîyên kampê destwerdan kirin û mêvandarîya van malbatan kirin.

"Bobelateke mezin dê li kampê biqewime eger bê alîkarî bimîne ji ber ava baranê da ser cokên ku niştecîyên kampê kolabûn," wî got, û daxuyand ku ev yek xeterîya ku dibe nexweşî û bela belav bibin dirust dike.

Kampên bêwaran li gundewarê Idlibê mêvandarîya bi sedan malbatan dike ku ji deverên şerên giran an deverên ku rejîm derbasî wan bûye reviyan, Esaf got û not kir ku bi tenê rêxistineke mirovî yan hawarçûnê li deverê kar nake.

Zêdeyî vê yekê, ne Tehrîr el-Şam, a ku deverê kontrol dike, ne jî ya jê re tê gotin "hikûmeta felatê", qewareyeke îdarî ye ku ji alîyê Tehrîr el-Şam ve tê kontrolkirin, "tiştek nekir bo alîkarîkirina bi kampên ziyanbûyî re".

Kêmbûna xizmetguzarîyên sereke hişt ku bi dehan niştecîyên bajarê Idlibê û yên deverên gundewarê wê xwepêşandanekê li dar bixin roja Şemîyê (2yê Mijdarê), xwepêşandana ku wan lafîte bilind kirin ku di wan de wan rexne li hikûmeta felatê kirin ji ber ku ew nikare asteke herî kêm ji alîkarîyê ji sivîlan re dabîn bike.