https://diyaruna.com/kmr/articles/cnmi_di/features/2019/06/28/feature-02

×
×
Aborî |

Enbar xebatên di projeyên di şerê DAIŞê de rawestîyabûn didomîne

Xalid Taî

image

Xebatkarên Şaredarîyê kolanekê li komavahîyên niştecihbûnê yên Farûq li Remadîyê, li parêzgeha Enbarê, roja 25ê Gulanê qîr dikin. [Wêne ji Desteya Weberanînê ya Enbarê hatiye wergirtin]

Hikûmeta xwecihî ya parêzgeha Enbarê xebatên têkildarî hejmareke mezin ji projeyên xizmetguzarîyê yên ku di encama şerê li dijî "Dewleta Îslamî" (DAIŞ) de rawestîyabûn dîsan didomîne.

"Xebatên weberanînê û nûavakirinê tên bûjandin piştî bihûrîna sal û nîvekê li ser derkirina çekdarên DAIŞê ji parêzgehê," serokê desteya weberanînê ya Enbarê Mehdî Salih Numan ji Diyaruna re Înê (28ê Hezîranê) ragihand.

Wî got ku jîngeha ewlehî ya seqamgîr faktorê serekî ye li pişt vegera gelek kompanîyên niştîmanî û biyanî bo parêzgehên û dewamkirina kar li ser projeyên ku ji 2014an ve hatibûn rawestandin.

Wî teqez kir ku delegeyên gelek kompanîyên weberanînê dest pê kirine serdana parêzgehê dikin bo destnîşankirina derfetên weberanînê û wajûkirina rêkeftinan û girêbestan bi hikûmeta xwecihî re.

Numan got ku vê heftîyê kar di hejmarek ji projeyan de dest pê kir, ku ya herî xuyayî Yarîgeha Olompî ya Remadîyê ye, "ya ku ziyaneke mezin di şer de gihiştiyê piştî ku 60% ji karê avakirina wê hatibû qedandin".

Wî daxuyand ku nûavakirin herwiha di projeya avê ya Bexdadî ya qerase li Hîtê û Hotêla Navdewletî ya Enbarê li Remadîyê de berdewam kiriye.

Wî ragihand ku herwiha kar di pênc komavahîyên niştecihbûnê de li parêzgehê li dar e, ku ya herî xuyayî jî komavahîya Omer Rawî li Remadîyê ye, ku 500 yekîneyên hatine qedandin ku bo malbatên rewa hatine şayiste dihundirîne.

Numan da zanîn ku 600 yekîneyên din di komavahîyê aniha tên nûavakirin.

Numan got ku sê projeyên weberanînê bo avakirina nexweşxaneyên pispor li parêzgehê bi karîna 50 textan li dar in, û hêvî heye ku du ji wan sala werê bên qedandin.

Numan dîyar kir ku Enbar bi niyaz e ku mêvandarîya konferansê 5ê yê weberanînê di Cotmehê de bike bo vekişandina kompanîyan û raberkirina derfetên weberanînê ji wan re.

"Parêzgeha me seqamgîr û aram e û xwedan samanên xwezayî yên pir û cihekî erdnîgarî yê bêhampa ye," ku dihêle ew dewlemendîyeke aborî bi dest bixe.

Tu vê mijarê diecibînî?
1
Na
0 KOMÊNT
Rêbazên Komentan
Captcha