Şênî li deverên hevtixûbê kampa Yermûkê penaberên Felestînî û Hecer Eswedê mane piştî vekişîna "Dewleta Îslamî" (DAIŞ) nîgeranîya xwe derbirîn ji ber berbelavbûyîna talankarîyê.

Ji dema ku hêzên rejîma Sûrîyayê û milîsên alîgirên wê derbasî deverê bûn, niştecihekî kampê ji Diyaruna re got, diyardeya "taefîşê" belav bûye, ew jî dizîya amûrên navmal û textan e ji malên valakirî.

Dizî bi awayekî sîstematîk hat encamdan ji aliyê hêzên artêşa Sûrîyayê û milîsên alîgirên wê ve, niştecihekî kampa Yermûkê bi navê Nacî Amir, ku ew hemşîre ye, ji Diyaruna re ragihand.

Wî got ku navmalên gelek malan li deverê tên talankirin -- hinek caran darî çavên niştecihan -- ên ku nikarin tiştekî bikin.

Wî got ku ev karvedana hêzên çekdar neçaverêkirî bûn, û da zanîn ku wan agir berdan malbarên ku hewl dan rê li ber talankirina malên xwe bigrin, û ciwanekî nûhatî yên 15-salî bi navê Ramî Mihemed Selman kuştin.

Destûr bo derbasbûyîna şênîyan bo kampê nayê dan

Hêzên rejîmê rê nadin ku şênî vegerin bo Yermûkê, û hişyarî didin wan ku mayîn û kavilên ku ji encama operasyonên serbazî pir in.

Amir got ku vê îsrarê hişt ku gumanên xelkê bêtir bibin, ên ku rojane li derbasgeha kampê kom dibin û hewl didin derbas bibin.

Wî got ku şênî dipirsin çima destûr ji wan re nayê dayîn derbasî kampê bibin bi behaneya selametîyê, lê hêzên çekdar bi serbestî dilebitin û xanîyan radimalin bêyî tu kes bi mayînekê were birîndarkirin.

Amir got ku piştî deswerdana hin aşnayên bandorbar yan bi bertîlan hin malbatan karîbûn derbasî kampê bibin.

Wî da zanîn kuev malbat komîteyên xwe yên xweser pêk tênin bo parastina ewlehîyê li deverên ku ew vegeriyane wan bo nehiştina dizîyê, û bal kişand ku gelek pevçûn di navbera xelkê û talankaran de derketine holê.

Wî got tevî ku pêwîstîyên bingehîn ên jiyanê pir kêm in, şênî dixwazin vegerin da ku tiştê mayî ji milkên xwe biparêzin.

Wî got ku ew herwiha bi tirs in dûr bimînin ji ber gotegotên li herêmê derbarê hazirîyên rejîmê bo avakirina zoneke veqetîner li dordora Şamê ku kampê û Hecer Eswedê dihundirîne.