Şerên tund roja Duşemê (9ê Cotmehê) li beşine cuda ji parêzgeha Hema ya Sûriyê navbera "Dewleta Îslamî" (DAIŞ) û hevbendiya Tehrîr el-Şam a tundrew de derketin, çalakvanan ji Diyaruna re got.

Raportên destpêkê nîşan didin ku hejmarek qurbanî ji nav heryek ji DAIŞ û Tehrîr el-Şam, a ku Eniya Nusra ya berê wê kontrol dike, ketin, wan got.

Sibeha Duşemê, DAIŞ dest bi êrîşekê kir li ser hin cihan li rojhilatê parêzgeha Hemayê ku di destê Tehrîr el-Şam de ne, çalakvan Mutez Umran ji bajarokê Helfaya yê parêzgeha Hemayê, got.

Rêxistinê dest danî ser hejmareke mezin ji gund û bajarokan li deverê, wî ji Diyaruna re got.

Ew dever her yek ji Rehcan, Serha Şemaliya, Um Kehf, Hesrat, Resm Ehmer, Musterîha, Um Xewr, Wadî Zerûb, Cub Tebaqliya, Abû Leffa, Nafîla, Mireycib, Cumlan û Şakûsiyê li xwe digrin.

Ev bajarok û gund zincîrekê pêk tînin ku digihe kûrahiya deverên di destê Tehrîr el-Şam de, bi dirêjahiya xeta pêşîn a şer a bi rejîma Sûriyê re.

Êrîşeke duyem li ser gundên Hemayê

Umran got ku DAIŞ piştre êrîşeke din pêk anî, gundên Ibn Werdan, Meslûqiya, Tufaha û Buyûd girtin.

Ev gund li ser dirêjahiya xetekê dikevin û ji koma yekem a gundan re paralîl e.

"Agahiyên destpêkî nîşan didin ku bêtirî 30 kesan hatine kuştin û hejmareke mezin ji hinekên din birîndar bûn," Umran got.

Wî ji çavkaniyên Tehrîr el-Şam zanî ku heft ji çekdarên hevbendiyê ji aliyê DAIŞ ve hatine girtin.

Umran got ku hêrseke zêde di nav sivîlên li wan deverên ku şer jiyan dikin belav bûye, anî ser ziman jî ku cihên artêşa Sûriyê ne dûr in û eniyên şerê li dar nêzîkî wan in.

Hevdem, Tehrîr el-Şam êrîşî cihên Ehrar el-Şam û Feyleq Şam li bajarokê Ermenaz û girên derdora wê kirin û hejmarek ji wan deveran kontrol kirin, wî got.

Tehrîr Şam herwiha karî gundên Ibn Werdan, Meslûqiya, Sumaqiya, Tufaha û Buyud kontrol kirin û DAIŞ ji wan derxist.