Ol

Êzîdî Sala xwe ya Nû rizgarbûyî ji DAIŞ pîroz dikin

Ala Husên li Bexdayê

image

Êzîdî dîsan Sala xwe ya Nû pîroz dikin piştî derxistina "Dewleta Îslamî". [Wêne ji Nazik Şemdîn hatiye wergirtin]

Çirîska mûm û lempeyan Newala Laleş li bakurê Iraqê bo yekemîn car ji çend salan ve di şeva 19ê Nîsanê de tije dike ji bo pêçwazîkirina Sala Êzîdî ya Nû.

Bi sedên Êzîdiyan li Peristgeha Laleş li Başîqa di wê rojê de kêm bûn daku Sala xwe ya Nû pîroz bikin, ku yek ji cejnên sereke yên hindikahiyê ye, rizgarbûyî ji zordariya "Dewleta Îslamî" (DAIŞ).

Ligel vejandina pîrozbahiyê, ku bo çendîn salan di bin desthilata DAIŞ de nedihat pêkanîn, Êzîdiyan xwest ku hebûna xwe li Iraqê, weke hindikahî ku beşekî temamker ji şîrazê civaka Iraqî ye, tekez bikin.

Pîrozbahiya îsal îradeya Êdîziyan ku bi kelepûra xwe ve girêdayî bimînin tekez kir , tevî zordariya ku li ser destê DAIŞ rastî hatîn.

image

Êzîdî Sala Nû roja19ê Nîsanê pîroz dikin. [Wêne ji Nazik Şemdîn]

Pîrozbahiya Sala Nû ya yekem li bajar bû ji berî bêtirî du salan ve, çalakvana Êzîdî Nazik Şemdîn ji Diyaruna re got.

"Pîrozbahî awayek ji teheda, hêvî û vejandinê û ji wisa bêtir bû jî," wê got. "Ew guleyek di dilê rêxistina terorîst de bû."

Êzîdî dixwazin ji cîhanê re nîşan bidin ku "ew vegeriyane erdê xwe daku bijîn û pêş bikevin", wê got.

Birînên kûr dimînim

Tevî ku jiyan vegeriyaye Başîqa û merasîm careke din tên lidarxistin, Êzîdî hîna jî birîndar in, Şemdîn got.

Dê zehmet be ku birînên wan werin dermankirin, wê got, ji ber ku DAIŞ kêf ji wan dizî, destdirêjî li jinên wan kir, zarokên wan tejnîd kirin û mal û mîratê wan wêran kirin.

"Em tenê dixwazin ku bi aştî û selametî bijîn, dûrî nakokiyên li ser desthilatê û siyasetê," wê got jî.

Êzîdî hîn zehmetiyê dikşînin, wê got, bal kişand jî ku 3,060 jin ji aliyê DAIŞ ve hatine revandin, gelek ji wan rastî tecawiza cinsî hatine û bo Sûriyê hatin birin.

DAIŞ herwiha zarokên Êzîdî revandin û mejiyên wan şiştin daku ji rêxistinê re şer bikin û li şûna wê êrîşên xwekujî pêk bînin, wê got.

"Jinên ku ji rêxistinê hatine rizgarkirin ji ber rewşên mirovî yên zehmet dinalin û bi hewceyî çareseriya derûnî ne daku alîkariya wan di kêmkirina êşê de bike," wê got.

Rêveberê nahiya Başîqa Zenûn Yûnis Yûsif ji Diyaruna re got ku desthilata xwecihî piştrast kiribû ku Êzîdî dikaribin Sala xwe ya Nû pîroz bikin.

Niha herkes dikare bi selametî li bajarok bijî, wî got, hêviya xwe jî nîşan da ku "hemû etnîk û ol dê bikaribin bênvedanên xwe yên olî li Başîqa derbas bikin, ya ku weke nimûneyeke biçûk a tevahiya welat e".

Nameyek ji cîhanê re

Pîrozkirina Sala Êzîdî ya Nû nameyek ji cîhanê re ye ku Êzîdî dê ji welatê xwe dernekevin û dest jê bernedin, berpirsê bilind ê berê yê Şingalê Dexîl Qasim got.

"Nameya aştiyê nayê wateya ku [Êzîdî] dê dest ji mafê xwe berdin bi daxwazkirina cezakirina terorîstan û her tawankarekî ku tadeyî li erd û namûsa wan kir li Şingalê û bajarokên Êzîdiyan yên din," wî ji Diyaruna re got.

Êzîdî dê berdewam bin li ser daxwazkirin ji hikûmeta Iraqî û hikûmeta herêma Kurdistanê ku mafên wan biparêzin û kesên ku tawan derheqê wan pêk anîn ceza bikin, wî got.

Sala Êzîdî ya Nû cejneke bîranîn û nûkirinê bi kokên kevnar re ye, ku her sal dikeve Çarşemeke Nîsanê de.

Çaxê mersîman, Êzîdî miskê dişewitînin û lempeyên zeytê vêdixin ji bo ronîkirina Peristgeha Laleş dema ku oldarên wan sirûdên taybet bi vê boneyê dibêjin.

Tu vê mijarê diecibînî?
2
1 KOMÊNT
Rêbazên Komentan * MALIKÊN PÊWIST HÎMA BIKE 1500 KARAKTERÊN MAYÎ (1500 Bi PIRANÎ)

Xwedê yê kudanerê her tiştî ye dibêje "Ma tu xelat ji xêrê re ji bilî xêrê heye?" Min gotar û gotinên Êzîdîyan xwendin. Lê belê, min gotineke sipasdarî, nirxandin û mikurhatinê ji kur û şehîdên Hêzên Heşda Şabî ya pîroz re tê de nexwendin, ên eger ne bi xwîn û cîhada wan baye, ne Êzîdî û ne Sinî dê venegeriyabane ser malên xwe û ew dê li jêr rehmeta DAIŞ weke koleyan mabane û jinên wan dê weke xizmetkaran bane. Çima nirxandin dê ji vê hemû xwînê re nebe? welatparêzî û hezkirina xakê li kûderê bûn dema DAIŞ hûn dadger kirin.

BERSIV BIDE