هێزه‌كانی عێراق هه‌وڵێكی دزه‌كردنی داعش له‌ سوریاوه‌ هه‌ڵوه‌شێننه‌وه‌

دوو چه‌كداری "ده‌وڵه‌تی ئیسلامی" (داعش) كه‌ هه‌وڵیانده‌دا بێنه‌ناو خاكی عێراقه‌وه‌، كوژران و شه‌شی دیكه‌ش ناچاركران بگه‌ڕێنه‌وه‌ ناو خاكی سوریا دوای شه‌ڕوپێكدادانێك له‌گه‌ڵ هێزه‌كانی عێراق له‌ به‌ره‌به‌یانی سێشه‌ممه‌دا (19 شوبات)، فه‌رمانده‌یی بادییه‌ و جه‌زیره‌ رایگه‌یاند.

عه‌مید جاسم حوسێن موسه‌وی به‌ دیارونای وت: "سوپا هه‌وڵێكی تیرۆریستانی بۆ هاتنه‌ناو خاكی عێراق [له‌ سوریاوه‌] هه‌ڵوه‌شانده‌وه‌"

ناوبراو وتی: "ئه‌وان تێبینیكران و ئاگاداركرانه‌وه‌ كه‌ ته‌لبه‌نده‌كان تێنه‌په‌ڕێنن، به‌ڵام ئه‌وان ته‌قه‌یانكرد، ئه‌مه‌ش وایكرد هێزه‌كانمان به‌پێی یاسا به‌رپه‌چیانبده‌نه‌وه‌ و دوو دانه‌یان لێبكوژن." وتیشی كه‌ شه‌شی دیكه‌ش ناچاركران به‌ هه‌ڵهاتن.

وتیشی: "چه‌كداره‌كان سه‌ر به‌ داعشن." هه‌روه‌ها وتی: "كه‌لێن و بۆشاییه‌كان له‌ ناوچه‌كانی سه‌ر سنوور كه‌ ده‌كرێت بۆ هاتنه‌ناو خاكی عێراقه‌وه‌ به‌كارهێنرابن، پڕكرانه‌وه‌."

موسه‌وی وتی هێزه‌كانی عێراق له‌ سه‌ر سنوور به‌شێوه‌یه‌كی باش جێگیركراون. وتیشی كه‌ هاوپه‌یمانی نێوده‌وڵه‌تی به‌ زانیاریی هه‌واڵگری و وێنه‌ی ئاسمانی له‌سه‌ر مه‌ترسی و جوڵه‌كانی داعش، یارمه‌تی سوپا و هێزه‌كانی پاراستنی سنوور ده‌ده‌ن.

ئەم بابەتەت بەدڵە؟

0 كۆمێنت
رێوشوێنەکانی کۆمێنت نوسین * واتە ئەم خانەیە پێویستە 1500 / 1500