زیاتر له‌ سه‌دا 70 ئاواره‌كانی كه‌ركوك ده‌گه‌ڕێنه‌وه‌ ماڵه‌كانیان

زیاتر له‌ سه‌دا 70 دانیشتوانی ئاواره‌ی پارێزگای كه‌ركوك گه‌ڕاونه‌ته‌وه‌ ماڵه‌كانیان، پارێزگاری كه‌ركوك راكان جبوری یه‌كشه‌ممه‌ (9 كانوونی یه‌كه‌م) وتی.

جبوری له‌ كۆنگره‌یه‌كی رۆژنامه‌وانیدا له‌ بینای پارێزگا وتی: "زیاتر له‌ سه‌دا 70ی ئاواره‌كان گه‌ڕاونه‌ته‌وه‌ ماڵه‌كانیان له‌ ناوچه‌ ئازادكراوه‌كان له‌ باشور و خۆرئاوای كه‌ركوك و كارده‌كه‌ین بۆ گه‌ڕاندنه‌وه‌ی ته‌واوی ئه‌وانی دیكه‌ بۆ سه‌ر ماڵوحاڵی خۆیان."

وتیشی پلانێك دانراوه‌ بۆ خۆئاماده‌كردنی ته‌واوی به‌شه‌كانی پارێزگاكه‌ بۆ زووتر جێبه‌جێكردنی گه‌ڕاندنه‌وه‌ی ئاواره‌كان به‌ لابردنی ته‌واوی به‌ربه‌سته‌كان و دابینكردنی خزمه‌تگوزارییه‌كانی كاره‌با و ئاو و ته‌ندروستی، له‌گه‌ڵ سڕینه‌وه‌ی ته‌واوی پاشماوه‌كانی "ده‌وڵه‌تی ئیسلامی" (داعش) بۆ سه‌رخستنی پلانی جێگیركردنه‌كه‌.

ئەم بابەتەت بەدڵە؟
0
0 كۆمێنت
رێوشوێنەکانی کۆمێنت نوسین * واتە ئەم خانەیە پێویستە 1500 پیتت ماوە بینووسیت (1500 MAX)