هێزە هاوبەشەکانی عێراق 12 گوندیان لە باشوری خۆرئاوای موسڵ رزگارکرد لە شەڕەکانی دوو رۆژی رابردوودا، فەرماندەی ئۆپەراسیۆنەکانی نەینەوا، فەریق عەبدولئەمیر رەشید یارەڵڵا، چوارشەممە (26 نیسان) وتی.
وتی: "هێزەکانمان 12 گوندیان لە خۆرئاوای موسڵ رزگارکردووە -- موسەڵتەن، ئەلبو عەلوان، دەبسە، خنەیفس، تەل هیلالە، تەل رەجیم ئەسەری، ئاسوری، حوەیدەر، سەلال، عەلیبە شەرقیە و عەلیبە غەربیە." وتیشی ئاڵای عێراقیان لێ هەڵکردوون.
یارەڵڵا بە دیارونای وت: "ئەو ناوچەیەی کە ئێستا "دەوڵەتی ئیسلامی لە عێراق و شام" (داعش) لە خۆرئاوای موسڵ کۆنترۆڵی کردووە کەمبۆتەوە بۆ کەمتر لە سه‌دا 30."
وتیشی: "داعش زیانی گەورەی بەرکەوتووە. هاوپەیمانی نێودەوڵەتییش تۆپبارانی كۆمه‌ڵێك پێگەی گرنگی داعشی کردووە و زیانی گەورەی لە گروپەکە داوە."
