ئۆپەراسیۆنی پاککردنەوەی رۆژهەڵاتی موسڵ بە رێكوپێکی بەڕێوەدەچێت

هێزەکانی عێراق گەڕەکە سەرەکیەکانی رۆژهەڵاتی موسڵیان پاککردۆتەوە لە پاشماوەکانی جەنگ، فەرماندەیی ئۆپەراسیۆنە هاوبەشەکان چوارشەممە (1 شوبات) رایگەیاند.

بەشی رۆژهەڵاتی موسڵ بە تەواوی گیرایەوە لە دەستی "دەوڵەتی ئیسلامی لە عێراق و شام" (داعش) هەفتەی رابردوو.

وتەبێژی فەرماندەیی ئۆپەراسیۆنە هاوبەشەکان، عەمید یەحیا زوبەیدی، بە دیارونای وت: "هێزەکانی عێراق 44 گەڕەکیان لە کۆی 56 گەڕەك پاککردۆتەوە لە رۆژهەڵاتی موسڵ."

زوبەیدی وتی: "دوانزە تەن مادەی تەقەمەنی، زەخیرە، مینی چێنراو، موشەك و پاشماوەی سەربازی داعش لابردراون، و سەدان ئامێری بۆمبی دەستی و دەیان خانوی بۆمبڕێژکراو پوچەڵکراونەتەوە."

راشیگەیاند کە تیمە ئەندازیاریەکانی سوپا و دژە تیرۆر، بە هەماهەنگی لەگەڵ نەتەوە یەکگرتووەکان و هاوپەیمانی نێودەوڵەتی، هەمویان بەشدارن لە ئۆپەراسیۆنی پاکردنەوەکەدا بۆ رێگەخۆشکردن بۆ گەڕانەوەی دانیشتوانی ئاوارەبوو.

ئەم بابەتەت بەدڵە؟
1
0 كۆمێنت
رێوشوێنەکانی کۆمێنت نوسین * واتە ئەم خانەیە پێویستە 1500 پیتت ماوە بینووسیت (1500 MAX)