هێزەکانی عێراق چەند ناوچەیەکی نوێیان رزگار کردووە لە رۆژهەڵاتی موسڵ سێشەممە (3 کانونی دووەم) و پێشڕەویانکرد بەرەو سێ گەڕەکی تر کە تێیاندا چوراشەممە شەڕێکی سەختیان ئەنجامدا لەگەڵ "دەوڵەتی ئیسلامی لە عێراق و شام" (داعش)، فەرمادەیی ئۆپەراسیۆنەکانی نەینەوا رایگەیاند.
فەرماندەی ئۆپەراسیۆنەکانی نەینەوا، نەجمەدین کەریم جبوری، بە دیارونای وت: "هێزەکانی عێراق ئاڵای عێراقیان لە گەڕەکی تەمیم و ناوچەی پیشەسازی و مەعاریز هەڵداوە."
جبوری رایگەیاند کە هێزەکانی عێراق بەرەبەیانی چوارشەممە چونەتە ناو گەڕەکەکانی شەیما و وەحدە و فەڵەستین کە تێیاندا روبەڕوی شەڕ بونەوە لەگەڵ داعش و زیانێکی زۆریان پێگەیاندن.
وەزارەتی کۆچ و کۆچبەرانی عێراق سێشەممە رایگەیاند کە ژمارەی ئاوارەکانی نەینەوا لە 17 تشرینی یەکەمەوە تائێستا گەیشتۆتە 150,000 کەس.