"بەڵێ راستە،" خوشکەکەی، نیبراس شەوقی، لەڕێگەی کورتە نامەیەکەوە بە ئاژانسی فرانس پرێسی راگەیاند دوای ئەوەی پرسیاریلێکرا دەربارەی ئازادکردنی حەمودی.
فەرماندەی هێزە هاوبەشەکانی عێراق لە بەغدا هەواڵەکەی پشتڕاستکردەوە کە ئەو ئازاد کراوە.
حەمودی تەمەن 43 ساڵ کارمەندی رۆژنامەی شەرقولئەوسەت و ژمارەیەك پێگەی هەواڵییە، لەنێویاندا ئەقلام، و تایبەتمەندە بە رۆژنامەوانی بەدواداچون و کێشەی ئافرەتان.
لەمیانەی کۆنگرەیەکی رۆژنامەوانیدا پێش هەواڵی ئازادکردنی حەمودی سێشەممە، سەرۆك وەزیرانی عێراق، حەیدەر عەبادی، رایگەیاند کە هەوڵی رفاندنی حەمودی سیاسی و تاوانکارییە لەهەمانکاتدا.