هه‌واڵه‌كانی عێراق

هێزەکانی عێراق قۆناغی دووەمی شەڕی رۆژهەڵاتی موسڵ دەستپێدەکەن

هێزەکانی عێراق پێنجشەممە (29 کانونی یەکەم) دەستیانکرد بە قۆناغی دووەمی شەڕی گرتنەوەی رۆژهەڵاتی موسڵ لە دەستی "دەوڵەتی ئیسلامی لە عێراق و شام" (داعش)، فەرماندەیی ئۆپەراسیۆنە هاوبەشەکان رایگەیاند.

وتەبێژی فەرماندەییەکە، عەمید یەحیا رەسوڵ، بە دیارونای وت: "هێزەکانی عێراق، لەنێویاندا یەکە جۆراوجۆرەکانی سوپای عێراق و دژە تیرۆر، دەستیانکردووە بە هێرش لە چەند بەرەیەکەوە."

رەسوڵ رایگەیاند کە قۆناغی دووەم ئامانجیەتی ئەو گەڕەکە نیشنگەییانە بگرێتەوە کە لە بەری رۆژهەڵاتی شارەکەدا ماون."

وتیشی کە "پێشڕەوی بەرچاو بەدەستهاتووە" لە هەموو بەرەکانەوە و ئاماژەیدا کە چەند "بەشێکی گەڕەکەکانی قودس، سەلام، و ئەرتەجیە" ئازادکراون لە شەڕەکاندا.

ئەم بابەتەت بەدڵە؟

0 كۆمێنت
رێوشوێنەکانی کۆمێنت نوسین * واتە ئەم خانەیە پێویستە 1500 / 1500