"دەوڵەتی ئیسلامی لە عێراق و شام" (داعش) رۆژی دووشەممە (5 کانونی یەکەم) وتەبێژێکی تازەی دیاریکرد کە داوای لە جەنگاوەرانی گروپەکە کرد رانەکەن، ئاژانسی فرانس پرێس رایگەیاند.
بە گوێرەی بڵاوکراوەیەکی دەنگی دەزگای فورقان، کە ئۆرگانێکی پروپاگەندەی داعشە، وتەبێژە تازەکە ناوی عەبدولحەسەن موهاجیرە.
لە پەیامە دەنگییەکەدا، وتەبێژە تازەکەی داعش داوای خۆڕاگری لە جەنگاوەرانی گروپە کرد و هۆشداریدا کە بەرگری بکەن و "رانەکەن" لە بەرەکانی جەنگ، و بەڵێنی "سەرکەوتن"یشی دا.