وەزارەتی بەرگری عێراق رۆژی سێشەممە (11 تشرینی یەکەم) رایگەیاند کە دورگەی هیت لە رۆژئاوای ئەنبار بەتەواوی ئازادکراوە لەدەست "دەوڵەتی ئیسلامی لە عێراق و شام" (داعش).
وتەبێژی وەزارەتەکە، عەمید یەحیا رەسوڵ، بە دیارونای وت: "بە پشتیوانی هێزە ئاسمانیەکانی هاوپەیمانی نێودەوڵەتی، هێزەکانی عێراق بەتەواوی دورگەکەیان گرتەوە دوای ئەوەی کە پاشماوەی چەکدارەکانی داعش رایانکرد."
رەسوڵ وتی: "کوندەکانی زاویە، بەکر، جەعیل، عالیە، سەفاکیەو ژمارەیەك گوندی تر ئێستا لەژێر کۆنترۆڵی هێزەکانی عێراقدان."
هەروەها وتی کە داعش زیاتر لە 200 چەکداری لەدەستداوە و زیانێکی مادی زۆری پێگەیشتووە لە هێرشە سەربازیەکاندا لە ناوچەکە لە سەرەتای مانگی تشرینی یەکەمەوە.
