وەزارەتی بەرگری عێراق دووشەممە (1 ئاب) رایگەیاند کە سەرکردەیەکی باڵای گروپی دەوڵەتی ئیسلامی لە عێراق و شام (داعش) لە هێرشێکی ئاسمانی هاوپەیمانانی نێودەوڵەتیدا لە پارێزگای بەغدا کوژراوە.
وەزارەتەکە لە بەیاننامەیەکەدا وتی:"فڕۆکە جەنگیەکانی هاوپەیمانی نیودەوڵەتی، لە سەر زانیاری هاوبەشی ئاژانسی دژە تیرۆریزم و یەکەی هەواڵگری ئاژانسی هەواڵگری نیشتمانی، هێرشێکی ئاسمانیان ئەنجامدا و تیایدا بەناو والی باکوری پارێزگای بەغدا لەگەڵ گروپێكی داعشی یاردەدەری کوژران لە کاتی کۆبونەوەیاندا لە باکوری بەغدا."