رۆژی سێشەممە (19 تەمموز) بەرپرسێکی سوپای عێراق لە کەرکوك وتی "دەوڵەتی ئیسلامیی لە عێراق و شام" (داعش) پێنج مەدەنیی لە سێدارەدا لە شارۆچکەی حەویجەی سەربە پارێزگای کەرکوك، لەسەر یارمەتیدانی چەند خێزانێك بۆ هەڵاتن لە ناوچەکانی ژێردەستیان.
فەرماندەی لیوای 2 لە فیرقەی 15ی سوپای عێراق، عەقید فازل کەنانی، وتی رۆژی دووشەممە چەکدارانی داعش پێنج پیاوی گەنجیان "بەشێوەی سێدارەدان لە مەیدانێکی شارۆچکەکەدا" کوشتووە، چونکە یارمەتی خێزانەکانی حەویجەیان داوە هەڵبێن.
وتی: "خەڵکی حەویجە هەوڵدەدەن هەڵبێن بەڵام داعش ناچاریان دەکات بمێننەوە."