رۆژی چوارشەممە (29 حوزەیران) ئاژانسی فرانس پرێس رایگەیاند بە چوونە ناو شاری مەنبیجی سوریاوە، هێزەکانی سوریای دیموکرات (SDF) دەستیانگرت بەسەر هەزاران بەڵگەنامە و مۆبایل و ئامێری دیجیتاڵی تری "دەوڵەتی ئیسلامیی لە عێراق و شام" (داعش)دا.
وتەبێژی هاوپەیمانان عەقید کریس گارڤەر وتی هاوپەیمانیی عەرەبیی-کوردیی "جێپێ"ی خۆیان لە سنوری باشور و خۆرئاوای مەنبیج جێگیرده‌كه‌ن و دەستیانگرتووه بەسەر دەروازەکانی تونێلێکدا.
وتی ئەوان، "دەستیانگرتووە بەسەر زیاتر لە 10,000 بەڵگەنامە لەو ناوچە سنورییەدا، لەناویاندا کتێب، پۆستەری پڕوپاگەندە، مۆبایل، لاپتۆپ، نەخشە و ئامێری خەزنکردنی دیجیتاڵیی."
وتیشی، "بەکارهێنانی ئەم زانیارییانە بەردەوامە تا باشتر لە تۆڕ و تەکنیکەکانی داعش تێبگەین، لەنێویاندا ئەو سیستمەی بەکاریدەهێنن بۆ هاتنەناوەوەی چەکدارانی بیانی بۆ ناو سوریا و عێراق."
