فەرماندەیی پۆلیسی فیدراڵیی رایگەیاند رۆژی چوارشەممە (22 حوزەیران) پۆلیسی عێراق لە پارێزگای سەڵاحەدین شکستیان هێنا بە هێرشێکی چەکدارانی "دەوڵەتی ئیسلامیی لە عێراق و شام" (داعش) لە بێجی.
بەڕێوەبەری پۆلیسی فیدراڵ لیوا رائید شاکر جەودەت لە راگەیەندراوێکدا وتی هێزەکانی لیوای نۆی سەر بە فیرقەی سێی پۆلیسی فیدراڵ دوو ئۆتۆمبیلی بۆمبڕێژکراو و بلدۆزەرێکی بۆمبڕێژکراویان لە ناوچەی سینیە تێکشکاند.
وتی لە هێرشەکەی بەیانیی چوارشەممەدا شەش ئەندامی داعشیش کوژران.