هه‌واڵه‌كانی عێراق

هێزەکانی عێراق گوندێك و وێستگەیەکی ئاو لە باکوری تکریت رزگاردەکەن

رۆژی چوارشەممە (22 حوزەیران) بەرپرسێکی وەزارەتی بەرگریی وتی دوو رۆژ دوای ئەوەی ئۆپەراسیۆنێك بۆ دەرکردنی "دەوڵەتی ئیسلامیی لە عێراق و شام" (داعش) لە ناوچەکە دەستیپێکرد، هێزەکانی عێراق گوندی محەمەد ئەلموسای باکوری تکریتیان گرتەوە.

وتەبێژی وەزارەت عەمید یەحیا رەسوڵ بە مەوتینی وت، "هێزەکانی عێراق گوندی محەمەد ئەلموسایان ئازادکردوە، لەگەڵ وێستگەی ئاوەکەی و رێگەکەی باکوری کە بە شاری تکریتییەوە دەبەستێتەوە."

رەسوڵ وتی، "سوپا توانی بڕێکی زۆر لە مین و تەقەمەنی لەنێو گوندەکەدا پوچەڵبکاتەوە و دەستیان بەسەر ژمارەیەك لە چەك و کەلوپەلیش دا گرت."

وتیشی، لە ئۆپەراسیۆنەکەدا داعش لانیکەم 20 چەکداری لەدەستدا و ئەوانی تر هەڵاتن.

ئەم بابەتەت بەدڵە؟

0 كۆمێنت
رێوشوێنەکانی کۆمێنت نوسین * واتە ئەم خانەیە پێویستە 1500 / 1500