وەزارەتی بەرگریی لە راگەیەندراوێکدا وتی رۆژی دوشەممە (20 حوزەیران) هێزەکانی عێراق ئۆپەراسیۆنێکی سەربازیی فراوانیان بۆ ئازادکردنی ناوچەی زەنگورە لە باکوری رەمادی لە دەستی "دەوڵەتی ئیسلامیی لە عێراق و شام" (داعش) دەستپێکرد.
وەزارەتەکە وتی، "ئەمڕۆ ئۆپەراسیۆنێك بۆ ئازادکردنی ناوچەی زەنگورە تا ئەلبوڕیشە لە باکوری رەمادی لەدەست باندە قێزەونە تیرۆرستیەکانی داعش دەستیپێکرد."
راگەیەندراوەکە وتی، "پاڵەوانەکانی لیوای کۆماندۆی فەرماندەیی ئۆپەراسیۆنەکانی ئەنبار و فەوجی تاکتیکیی پۆلیس، بە پاڵپشتیی فیرقەی تۆپهاوێژ و هێزی ئاسمانیی سوپا، بەشداری دەکەن لە ئۆپەراسیۆنی ئازادکردن و لەئێستاشدا خەریکی شەڕکردنن بۆ دەرکردنی داعش لە شارەکە."
