ئاساییش

وێنەكان دەریدەخەن سوپای روسیا پێداویستی دابیندەکات بۆ گروپی واگنەر لە لیبیا

کاره‌ڤانسەرای

image

ئەم وێنە سەتەلایتییە رادەی ئەو کەرەستانە پیشاندەدات کە دەبەخشرێنه‌ گروپی واگنەر و لەلایەن گروپەکەوە بەکاردەهێنرێن لە بنکەی ئاسمانی کازم لە لیبیا، 13 تەمموز. [ئەفریکۆم]

وێنەیەکی سەتەلایتی ئەمدواییانە دەریدەخات کە مۆسکۆ بەردەوامە لە پێدانی فڕۆکەی جه‌نگی، ئۆتۆمبێلی زرێپۆش، سیستمی بەرگری ئاسمانی و چەندین کەرەستەی دیکە بە گروپی واگنەر لە لیبیا، فەرماندەیی ئەفریقا ئەمریکا (ئەفریکۆم) 24 تەمموز لە بەیاننامەیەکدا رایگەیاند.

گروپی واگنەر رێکخراوێکی چەکدارانه‌ کە خزمەتی کارنامەی سەرۆکی روسیا ڤلادمیر پوتین دەکات و ئەمەش رێخۆشدەکات بۆ کرێملین تا برەو بە بەرژەوەندییەکانی بدات و شەڕەکانی بەجۆرێكی په‌رده‌پۆشكراو ئەنجامبدات كه‌ ده‌توانێت نکۆڵییان لێبکات.

وێنە سەتەلایەتییەکان فڕۆکە کارگۆ سەربازییه‌كانی روسیا پیشاندەده‌ن، له‌نێویاندا IL-76، پێداویستییه‌كان ده‌ده‌نه‌ بەکرێگیراوانی واگنەر، لەگەڵ کەرەستەی بەرگری ئاسمانی روسی، له‌نێویاندا SA-22، لە نزیک هێڵەکانی پێشەوە لە لیبیا لە ناوەڕاستی تەمموزدا.

بەڕێوبەری ئۆپەراسیۆنەکانی ئەفریکۆم، لیوا برادفۆرد گێرینگ لە فەیلەقی دەریایی ئەمریکا، وتی: "روسیا بەردەوامە لە رۆڵگێڕانێکی نایارمەتیدەر لە لیبیا بە دابینکردنی کەلوپەل و پێداویستی بۆ گروپی واگنەر. وێنە سەتەلایتییەکان بەردەوامن لە په‌رده‌هەڵدانەوە له‌سه‌ر نكوڵیكردنه‌ بەردەوامەکانیان."

image

ئەم وێنە سەتەلایتییە ئۆتۆمبێلە بارهەڵگرەکان و زرێپۆشی روسی بەرگریكراو له‌ مین و‌ كه‌مین پیشاندەدات لە نزیک سیرت، لیبیا، له‌ 14 تەمموز. [ئەفریکۆم]

لە سەرەتای تەمموزدا، ئەفریکۆم چەند وێنەیەکی بڵاوکردەوە کە ده‌ریانخست گروپی واگنەر بە هەڕەمەکیانە مین و تەقەمەنی چێنراویان چاندووە لە ناوەوە و دەوروبەری تەرابلوس، لیبیا.

لە ئایاردا، ئەفریکۆم بەڵگەی وێنەیی بەرفراوانی خسته‌ڕوو کە مۆسکۆ فڕۆکەی جەنگی لە لیبیا جێگیرکردووە تا پشتیوانی بكات له فه‌رمانده‌ی به‌هێزی سه‌ربازی‌ خەلیفە حەفتەر و گروپی واگنەر.

هەوڵەکانی مۆسکۆ بۆ دەستبەسەرداگرنی وڵاتەکە بۆته‌ مایەی شەرمه‌زارییه‌كی زۆر بۆ پوتین، له‌میانه‌ی راپۆرته‌كاندا‌ ده‌رباره‌ی دووبه‌ره‌كی له‌نێوان حەفتەر و بەکرێگیراواندا و زنجیرەیەک دۆڕاندن له‌ شەڕدا لەلایەن سوپای نیشتمانی لیبیای حەفتەرەوە.

ئەم بابەتەت بەدڵە؟
0
0 كۆمێنت
رێوشوێنەکانی کۆمێنت نوسین * واتە ئەم خانەیە پێویستە 1500 پیتت ماوە بینووسیت (1500 MAX)