مافی مرۆڤ

سەدان سوری لە کەمپی حۆل ئازادکران

وەلید ئەبولخەیر لە قاهیرە

image

کاروانێکی ئەو خێزانانەی لە کەمپی حۆل ئازادکراون بە شارۆچکەی هه‌جیندا تێدەپەڕن لە خۆرهەڵاتی ناوچە گوندنشینەکانی دێرە زوور. [خاوەنی وێنە: چاوی فوڕات]

سەدان سوری رێگەیان پێدرا بگەڕێنەوە شارۆچکەکانیان دوای ئازادکردنیان لەلایەن بەرپرسانی کەمپی حۆله‌وه‌ لە پارێزگای حەسەکە له‌ باکوری خۆرهەڵات، چالاکوانێکی ناوخۆ وتی.

ئازادکردنیان دوای ئەوە هات کە سەلمێنرا بەشدارنەبوون لە چالاکی و تاوانەکانی "دەوڵەتی ئیسلامی" (داعش)دا، لە دوای نێوەندگیری و گەرەنتی سەرکردە و بەتەمەنەکانی خێڵەکانی دێرە زوور.

چالاکوانێكی دێرە زوور، عەمار سالح بە دیارونای وت بەڕێوبەرێتی کەمپەکە، کە سەر بە كارگێڕیی خۆسەری باکور و خۆرهەڵاتی سوریایە، بڕیاریاندا 460 کەس ئازادبکەن کە سەر بە 117 خێزان بوون.

ساڵح وتی ئەو خێزانانە ماوەیەکیان لە کەمپی حۆل بەسەربردووە، کە تایبەتە بە چەکدارە دەستگیرکراوەکانی داعش و خێزانەکانیان.

image

کەمپی حۆل لە پارێزگای حەسەکەی سوریا چەکدارانی داعش و خێزانەکانیان لەخۆدەگرێت. [خاوەنی وێنە: چاوی فوڕات]

وتی پرۆسەی ئازادکردنەکە دوای تەواوکردنی لێکۆڵینەوەی کەسەکان هات، کە دەرکەوت بەشدارنەبوون لەو تاوانانەی لەلایەن داعشەوە ئەنجامدراون و هاوکاری گروپەکەیان نەكردووه‌.

وتی ئازادکردنەکە دوای نێوەندگیری سەرکردە خێڵەکییەکان و بەتەمەنەکانی دێرە زوور هاتەئاراوە، کە پارێزگای هەموو ئەوانەیە کە ئازادکراون، لەکاتێکدا زۆربەیان لە باغۆز و سوسە و هه‌جینەوە هاتبوون.

ساڵح وتی خەڵکی دێرە زوور پێشوازییان لە ئازادکراوەکان کرد، کە كه‌مێك پێش جەژنی قوربان ئازادکراون و خێزانەکان پێکەوە لەگەڵ ناسیاوەکانیان جەژن دەکەنەوە.

وتیشی ئازادکردنەکە لەدوای نێوەندگیری سەرکردە خێڵەکییەکانی دێرە زوور و هێزەکانی سوریای دیموکرات (هەسەدە)، بە سەرۆکایەتی جەنەڕاڵ مەزڵوم عەبدی، ئەنجامدرا.

وتی لە میانه‌ی ئەو کۆبوونەوانەدا، سەرکردە خێڵەکییەکان رازیبوون بە پشتیوانیکردنی تەواوەتی هەوڵەکانی هەسەدە لە رووبەڕووبوونەوەی تیرۆریزم و کارکردن لەگەڵ هەسەدەدا بۆ ئاسانکاری گەڕانەوەی ژیانی ئاسایی بۆ ناوچەکە.

ئەم بابەتەت بەدڵە؟
0
0 كۆمێنت
رێوشوێنەکانی کۆمێنت نوسین * واتە ئەم خانەیە پێویستە 1500 پیتت ماوە بینووسیت (1500 MAX)