هه‌واڵه‌كانی عێراق
ئاساییش

کەشی شەڕ دەگەڕێتەوە بۆ هه‌رێمی ئیدلیب

وەلید ئەبولخەیر لە قاهیرە

چەکدارانی بەرەی رزگاری سوریا دەبینرێن لە پێگەیەکی پێشەوە به‌رامبه‌ر هێزەکانی رژێمی سوریا. ئەو گروپە ناوچەی جەبەل زاویەی بە ناوچەی سەربازی داناوە و مەدەنیەکانی لێ گواستۆتەوە. [خاوەنی وێنە: پەیامنێرێكی ئیدلیب]

چەکدارانی بەرەی رزگاری سوریا دەبینرێن لە پێگەیەکی پێشەوە به‌رامبه‌ر هێزەکانی رژێمی سوریا. ئەو گروپە ناوچەی جەبەل زاویەی بە ناوچەی سەربازی داناوە و مەدەنیەکانی لێ گواستۆتەوە. [خاوەنی وێنە: پەیامنێرێكی ئیدلیب]

لەم چەند رۆژەی دواییدا، کەشی شه‌ڕ گەڕاوەتەوە بۆ هه‌رێمی ئیدلیب له‌ باکوری خۆرئاوای سوریا، كه‌ له‌وێ هێرشە ئاسمانیە نوێکان و شەپۆلێکی نوێی ئاوارەکان‌ به‌دیده‌كرێت، چالاکوانێکی ناوچەکە پێنجشەممە (4 حوزەیران) وتی.

چالاکوانێکی ئیدلیب، موسعەب عەساف بە دیارونای وت له‌ ئێوارەی سێشەممەدا هێرشە ئاسمانیەکانی روسیا و تۆپبارانی چڕی رژێمی سوریا ده‌ستیانپێكرده‌وه‌ له‌ ناوچەیەك لە کەناری پارێزگاکانی لازقیە و حەمما و ئیدلیب.

وتی ئەو هاوڵاتیە ئاوارانەی بەمدواییانە گەڕاونەتەوە بۆ ماڵەکانیان دووبارە هەڵاتوونەتەوە، بەرەو چەند ناوچەیەکی تاڕادەیەك ئه‌مینتر نزیك بە سنووری تورکیا.

وتی "دوایین پێشهاتەکان سەرلەنوێ کەشێکی نوێی شه‌ڕیان گەڕاندۆتەوە،" کە دووبارە باڵی کێشاوە بەسەر ئەو ناوچەیەدا کە پێشتر تاڕادەیەك ئارام بوو دوای ئاگربەستێك لە مانگی ئازاردا.

چەکدارێکی بەرەی رزگاری سوریا لە بازگەیەکی چاودێری وەستاوە لە ناوچە گوندنشینەکانی ئیدلیب، کە تێیاندا بارگرژی زیادیکردووە. [خاوەنی وێنە: پەیامنێرێكی ئیدلیب]

چەکدارێکی بەرەی رزگاری سوریا لە بازگەیەکی چاودێری وەستاوە لە ناوچە گوندنشینەکانی ئیدلیب، کە تێیاندا بارگرژی زیادیکردووە. [خاوەنی وێنە: پەیامنێرێكی ئیدلیب]

دوکەڵ لە ناوچە کشتوکاڵیەکانی نزیك مەعەرەت نوعمان بەرزدەبێتەوە، کە لەوێ رژێمی سوریا و میلیشیا هاوپەیمانەکانی هێزی پشتیوانییان هێناوە. [خاوەنی وێنە: ناوەندی راگەیاندنی ئیدلیب]

دوکەڵ لە ناوچە کشتوکاڵیەکانی نزیك مەعەرەت نوعمان بەرزدەبێتەوە، کە لەوێ رژێمی سوریا و میلیشیا هاوپەیمانەکانی هێزی پشتیوانییان هێناوە. [خاوەنی وێنە: ناوەندی راگەیاندنی ئیدلیب]

وتیشی فڕۆکە جەنگیەکانی روسیا ناوچەیەکیان کردە ئامانج لەنێوان جەبەل ئەکراد و کەبینەدا لە پارێزگای لازقیە، نزیك بە سنووری پارێزگاکانی ئیدلیب و حەمما.

وتی هاوکات، هێزی پیادەی رژێم و تۆپبارانی سەخت شاری فەتیرەی له‌ ئیدلیب و چەند ناوچەیەکی دەوروبەریان کردە ئامانج، لەگەڵ ناوچەی جەبەل زاویە و شارۆچکەکانی سفوهین و کەنسەفرە و بەرە و ناجیە.

عەساف وتی ئۆپەراسیۆنە سەربازییەکە شتێکی نامۆ نەبوو، ئاماژەشیکرد بەوەی هەمووان چاوەڕوانی ئەوە بوون کە رژێمی سوریا و هاوپەیمانەکەی، روسیا، بیانه‌وێت شاڕێگەی ستراتیژیی M4 کە لازقیە و حەلەب پێکەوە دەبەستێتەوە، ئه‌مینبكه‌ن.

پێکدادان لە دەوروبەری جەبەل زاویە

عەساف وتی نزیکەی 35 گوند و شارۆچکە لە ناوچەی جەبەل زاویەی باشوری ئیدلیب هەن، کە لەوێ هێشتا بڕێکی زۆر لە چەکدارانی ئۆپۆزسیۆن بوونیان هەیە.

ئەمە بۆتە ئاستەنگێك لەبەردەم ئامانجی رژێمدا بۆ ئه‌مینكردنی شاڕێگەکە.

چالاکوانەکانی ناوچەکە و رۆژنامەوانان چاودێریی رژێم و میلیشیا هاوپەیمانەکانیان کردووە، بەتایبەتی ئەوانەی لەلایەن سوپای پاسدارانی شۆڕشی ئیسلامی ئێرانەوە پشتیوانیدەکرێن، کە چەکداری زیاتر و پشتیوانیی لۆجستی و سەربازییان هێناوە.

عەساف وتی ئەمەیان وەك ئاماژەیەك بینی بەوەی ئۆپەراسیۆنە سەربازییەکە له‌ ئان و ساتی ڕووداندایه‌.

وتی رۆژانە پێکدادانی بچوك روودەدات لەنێوان گروپەکانی ئۆپۆزسیۆن و هێزەکانی رژێمدا لەکاتێکدا هەوڵی بەردەوام لەهەردوولاوە هەیە بۆ پێشڕەویکردن.

عەساف وتی هەردوولا لە دۆخی ئامادەییدان و هەردوولا هێزی پشتگیرییان هێناوە.

هێزی بەرەی رزگاری سوریا دۆخی ئامادەباشیی بۆ چەکدارانی خۆی راگەیاند و جەبەل زاویەی ناوبرد بە ناوچەیەکی سەربازی و داوای لە مەدەنیەکان کرد لێی نزیكنەبنەوە.

وتی لە ناوچەکە چەندین شارۆچکە هەن، لەنێویاندا به‌نین، رێگەی فەرکیا و ناوچەی مەجره‌شە، مەزاف و کەدورە.

ئەم بابەتەت بەدڵە؟

0 كۆمێنت
رێوشوێنەکانی کۆمێنت نوسین * واتە ئەم خانەیە پێویستە 1500 / 1500