https://diyaruna.com/ckb/articles/cnmi_di/features/2019/12/03/feature-04

×
×
خۆپیشاندان |

پۆمپیۆ پەنجەی تۆمەت بۆ ئێران رادەکێشێت لە خۆپیشاندانەکانی خۆرهەڵاتی ناوەڕاستدا

ئاژانسی فرانس پرێس

image

خۆپیشاندەرێکی عێراقی ئاڵای نیشتمانی هەڵدەگرێت لە شاری پیرۆزی نەجەفی باشور لە 1 کانونی یەکەم. [حەیدەر حەمدانی/ئاژانسی فرانس پرێس]

وەزیری دەرەوەی ئەمریکا مایك پۆمپیۆ دووشەممە (2 کانونی یەکەم) وتی ئێران فاکتەری کۆکەرەوەی پشتی خۆپیشاندانەکانی خۆرهەڵاتی ناوەڕاستە و وتیشی خۆپیشاندانەکانی عێراق و لوبنان و ئێران خۆی دژی رژێمی ئاخوندانن.

لەکاتێکدا ددانی بە هەمەجۆریی هۆکارە ناوخۆییەکانی نائارامیدا نا لە تەواوی خۆرهەڵاتی ناوەڕاست و ناوچەکانی دیکەش، پۆمپیۆ پەنجەی تۆمەتی بۆ ئێران راکێشا.

سەرەکوەزیرانی عێراق عادل عەبدولمەهدی دەستی لەکار کێشایەوە "لەبەرئەوەی خەڵک داوای ئازادییان دەکرد و هێزە ئەمنیەکان بە دەیانیان لێکوشتن. ئەمە بەشێکی زۆری بەهۆی نفوزی ئێرانەوەیە،" پۆمپیۆ وتی.

پۆمپیۆ لە زانکۆی لویسڤیل وتی: "هەمان شت راستە بۆ لوبنان، خۆپیشاندانەکانی بەیروت."

وتی: "دەیانەوێت حیزبوڵا و ئێران لە وڵاتەکەیان بچنە دەرەوە، لە سیستمەکە بچنە دەرەوە چونکە هێزێکی تووندوتیژ و چەوسێنەرەوەن."

وتی خۆپیشاندانەکانی ناو ئێران -- کە رێکخراوی لێبووردنی نێودەوڵەتی رایگەیاند زیاد لە 200 کەسی تێدا کوژراوە -- نیشانیاندا کە ئێرانیەکان "گه‌یشتۆته‌ تینیان".

وتیشی: "حوکمێکی ئایینی دەبینن کە پارە دەدزێت، ئایەتوڵاکان ده‌یان و دەیان ملیۆن دۆلار دەدزن."

لە هەریەك لە عێراق و لوبنان، خۆپیشاندەران بەشێوەیەکی سەرەکی داوای کۆتاییهێنان بە گەندەڵی و هەوڵی زیاتر بۆ دروستکردنی هەلی کار و رێکخستنەوەی سیستمی سیاسی دەکەن.

لە عێراق، عەبدولمەهدی هەفتەی رابردوو وازیهێنا دوای شەپۆلێك له‌ تووندوتیژی کە ژمارەی کوژراوانی نێو خۆپیشاندانەکانی بۆ 420 بەرزکردەوە -- کە زۆربەی زۆریان خۆپیشاندەر بوون.

هەفتەی رابردوو خۆپیشاندەران کونسوڵخانەی ئێرانیان لە نەجەف سوتاند.

لە لوبنان، ئەمریکا هەوڵی گۆشەگیرکردنی حیزبوڵا دەدات، کە میلیشیایەکی هاوسۆزی ئێرانە و حیزبێکی سیاسیشە و لە حکومەتی پێشوودا بەشداربوو.

ئەم بابەتەت بەدڵە؟
0
نەخێر
0 كۆمێنت
رێوشوێنەکانی کۆمێنت نوسین
Captcha