سوپای پاسدارانی ئێران بەردەوامە لە راكێشانی منداڵان بۆ بەشەکانی له‌ پارێزگای دێرە زوور کە تێیدا ئامادەیی هەیە، بە بیانووی دامەزراندنیان لە ریزه‌كانی دیده‌وانییه‌كاندا، چالاکوانانی ناوخۆ وتیان.

چالاکوانێكی دێرە زوور، جەمیل عابد بە دیارونای وت ناوەندێکی دیده‌وانیی نوێ کە لەلایەن رێکخراوی هاوڕێیەتی سوری-ئێرانییەوە سپۆنسەرکراوە لە دێرە زوور بەمدواییانە دەرگاکانی کردەوە. هۆشداریشیدا کە ئامانجی سەرەکیی ناوەندەکە راكێشانی گەنجانی ناوچەکەیە.

وتی رێکخراوی هاوڕێیەتی سوری-ئێرانی سەر بە سوپای پاسدارانە.

عابد وتی سوپای پاسداران مێژوویەکی هەیە لە سەرنجڕاکێشانی منداڵان و گەنجان بەلای خۆیدا بە بیانووی چالاکییە دیده‌وانییه‌كان، بۆئەوەی راهێنانیان پێبکات بۆ شەڕکردن لە یەکەکانیدا.

وتی پێدەچێت ناوەندەکە لقێکی نوێ بێت لە یەکەی ئیمام مەهدی کە هێڵێکی باش دۆكیمه‌نتكراوه‌ بۆ راكێشانی کەسانی نوێ بۆ ناو سوپای پاسداران.

عابد وتی، لەو بەناو "ناوه‌ندی دیده‌بانی"انه‌دا، ئایدۆلۆژیای سوپای پاسداران دەخرێتە نێو هزری منداڵان و هەرزەکارانه‌وه‌.

دیارونا بۆیدەرکەوتووە کە ئەوانه‌ وەک کەمپە سەربازییەکان کاردەکەن، لەگەڵ راهێنانی جەستەیی و بەکارهێنانی هەموو جۆرە چەکێک.

ئەندامانی یەکەکە دوای دەرچوونیان تەواوی هونەرەکانی شه‌ڕ و جەنگاوه‌ری فێردەبن.

لە تەمەنی 16 ساڵیدا، بەشێک لە ئەندامان دەبنە شەڕکەر لە سوپای پاسداران و میلیشیاکانی هه‌واداریاندا، لەکاتێکدا ئەوانی تر بەرپرسیارێتی تریان پێدەسپێردێت.

عابد وتی لەو ماوەیەدا لە ناوه‌ندی دیده‌بانییه‌كه‌، ئەندامە گەنجەکان ئامادەدەکرێن بۆ كردنه‌ ئه‌ندامیان لە سوپای پاسداران و میلیشیا چەکدارەکانی هه‌واداریاندا.

وتیشی كۆپییه‌ سورییه‌كه‌ی دیده‌بانانی ئیمام مەهدی لەسەر مۆدێلێك دامەزراوە کە حیزبوڵای لوبنان دایهێناوە.