https://diyaruna.com/ckb/articles/cnmi_di/features/2019/11/13/feature-02

×
×
خۆپیشاندان |

خۆپیشانده‌رانی ده‌رعا هه‌ژمونی ئێران ره‌تده‌كه‌نه‌وه‌

وه‌لید ئه‌بولخه‌یر له‌ قاهیره‌

image

خۆپیشانده‌رانی ده‌رعا چه‌ند دروشمێكیان به‌رزكردۆته‌وه‌ كه‌ تێیدا ئاماده‌یی ئێران و كرده‌وه‌كانی رژێمی سوریا ره‌تده‌كه‌نه‌وه‌وه‌ له‌ میانه‌ی خۆپیشاندانێكدا له‌ پارێزگاكه‌ی باشور. [خاوه‌نی وێنه‌: لاپه‌ڕه‌ی حۆران فری لیگ له‌ فه‌یسبووك]

خۆپیشاندان له‌ چه‌ند ناوچه‌یه‌كی جیاوازی پارێزگای ده‌رعای باشوری سوریا ئه‌نجامدرا بۆ ره‌تكردنه‌وه‌ی كرده‌وه‌كانی رژێمی سوریا و فراوانبوونی ئاماده‌یی ئێران له‌ ناوچه‌كه‌، چالاكوانێكی ناوخۆ وتی.

چالاكوانی ده‌رعا جومعه‌ مه‌سالمه‌ به‌ دیارونای وت خۆپشاندانه‌كان وه‌ڵامێكن بۆ پێشڕه‌وییه‌كانی سوپای پاسداران له‌و ناوچانه‌ی له‌لایه‌ن رژێمی سوریاوه‌ كۆنترۆڵكراون، كه‌ رژێم رێی بۆ خۆشكردووه‌.

وتی دانیشتوانی ده‌رعا ئاماده‌یی ئێران ره‌تده‌كه‌نه‌وه‌.

خۆپیشانده‌ران چه‌ند دروشمێكیان له‌دژی كرده‌وه‌كانی رژێمی سوریا له‌ ده‌رعا به‌رزكرده‌وه‌، به‌تایبه‌تی ره‌شبگیریی گه‌نجانی ناوچه‌كه‌.

image

خۆپیشانده‌رانی ده‌رعا چه‌ند دروشمێك له‌دژی حیزبوڵای لوبنان به‌رزده‌كه‌نه‌وه‌ له‌میانه‌ی خۆپیشاندانێكدا له‌ پارێزگاكه‌. [خاوه‌نی وێنه‌: لاپه‌ڕه‌ی حۆران فری لیگ له‌ فه‌یسبووك]

ناوبراو وتی ئه‌وان تووڕه‌یی خۆشیان پیشاندا ده‌رباره‌ی بڵاوبوونه‌وه‌ی میلیشیا و ناوه‌نده‌كانی سه‌ر به‌ سوپای پاسداران، كه‌ هه‌وڵده‌ده‌ن به‌ یارمه‌تی هێزه‌كانی رژێمی سوریا هه‌ژمونی ئێران له‌ ناوچه‌كه‌ فراوانتربكه‌ن.

وتی ئه‌و ناوه‌ندانه‌ ئاسانكارییان بۆ هه‌ڵمه‌ته‌كانی دامه‌زراندن كردووه‌ به‌ سوودوه‌رگرتن له‌ خراپیی دۆخی ئابوریی دانیشتوانی ناوچه‌كه‌.

وتیشی ده‌یانه‌وێت رای گشتی به‌ده‌ستبهێنن له‌ڕێی دابه‌شكردنی بڕێك هاوكاریی مانگانه‌وه‌.

داواكاری بۆ ئازادكردنی زیندانییه‌كان

مه‌سالمه‌ وتی خۆپیشانده‌ران داوای ئازادكردنی زیندانییه‌ سیاسییه‌كانیان كرد.

رێسا و رێنماییه‌كانی رژێمیشیان له‌ ده‌رعا ره‌تكرده‌وه‌، له‌نێویاندا سه‌ركوتكردنێكی ئه‌منیی تووند، نه‌بوونی پێشكه‌وتن و هه‌لی كار، سه‌رباری به‌ڵێنه‌كانی رژێم ده‌رباره‌ی ئه‌م خاڵانه‌.

مه‌سالمه‌ ئاماژه‌ی كرد بۆ ئه‌وه‌ش كه‌ ژماره‌ی ئه‌و دانیشتوانه‌ی ده‌رعا كه‌ له‌لایه‌ن رژێمه‌وه‌ ده‌ستگیركراون ئێستا گه‌یشتۆته‌ هه‌زاران كه‌س.

وتی چه‌ند راپۆرتێك هه‌بوون ده‌رباره‌ی ئه‌وه‌ی به‌شێك له‌ زیندانییه‌كان ئه‌شكه‌نجه‌دراون له‌ زیندانه‌كانی رژێمدا كه‌ دۆخێكی خراپیان هه‌یه‌ و نه‌خۆشییان تێدا بڵاوبۆته‌وه‌.

وتیشی هه‌ڵمه‌ته‌كانی ئه‌مدواییانه‌ له‌دژی رژێم له‌ ناوچه‌كه‌ی باشور بریتین له‌ بڵاوكردنه‌وه‌ و داپۆشینی دیواره‌كان به‌ فلایه‌ر و پۆسته‌ر له‌ شوێنه‌ گشتییه‌كان.

ئه‌و دروشمانه‌ رژێمی سوریا ره‌تده‌كه‌نه‌وه‌ و داوای كۆتاییهێنان به‌ ئاماده‌یی ئێران و هه‌ژمونه‌كه‌ی ده‌كه‌ن.

وتی به‌مدواییانه‌ ژماره‌یه‌ك هێرش بۆسه‌ر هێزه‌كانی رژێمی سوریا هه‌بوون، دواهه‌مینیان هێرشێكی چه‌كداری بوو بۆسه‌ر خاڵێكی پشكنین له‌ ئوم مه‌یاسن و غارز له‌ ناوچه‌ گوندنشینه‌كانی ده‌رعا كه‌ بووه‌ هۆی كوشتنی سێ سه‌ربازی رژێم و برینداركردنی چه‌ند سه‌ربازێكی تر.

هێرشه‌كانی پێشتر خاڵه‌ پشكنینه‌ هه‌میشه‌ییه‌كانیان كرده‌ ئامانج، كه‌ تێیاندا ناسنامه‌ ده‌پشكنرێن و زۆربه‌ی جاریش گه‌نجه‌كان ده‌ستگیرده‌كرێن، سه‌رباری ئه‌وه‌ی بڕیاری لێبووردن ده‌یانگرێته‌وه‌.

ئەم بابەتەت بەدڵە؟
1
نەخێر
0 كۆمێنت
رێوشوێنەکانی کۆمێنت نوسین
Captcha