https://diyaruna.com/ckb/articles/cnmi_di/features/2019/10/18/feature-02

×
×
ئاساییش |

هێزه‌كانی عێراق هه‌وڵه‌ ئه‌منییه‌كانیان چڕتر ده‌كه‌ن له‌ گونده‌كانی دیاله‌

خالید تائی

image

سه‌ركرده‌ ئه‌منییه‌كان، 16 تشرینی یه‌كه‌م كۆبوونه‌وه‌یه‌ك له‌ دیاله‌ ئه‌نجامده‌ده‌ن بۆ گفتوگۆكردن ده‌رباره‌ی بارودۆخی ئه‌منیی پارێزگاكه‌. [خاوه‌نی وێنه‌: فه‌رمانده‌یی پۆلیسی دیاله‌]

هێزه‌كانی عێراق چه‌ند رێوشوێنێكی نوێیان گرتۆته‌به‌ر بۆ ئه‌مینكردنی گونده‌ كشتوكاڵییه‌كانی پارێزگای دیاله‌ له‌دژی هه‌ڕه‌شه‌ی پاشماوه‌كانی "ده‌وڵه‌تی ئیسلامی" (داعش)، فه‌رمانده‌یی پۆلیسی دیاله‌ هه‌ینی (18 تشرینی یه‌كه‌م) رایگه‌یاند.

عه‌قید نیهاد محه‌مه‌د له‌ به‌ڕێوبه‌رێتی راگه‌یاندن و په‌یوه‌ندییه‌كانی فه‌رمانده‌یی پۆلیسی دیاله‌ وتی كۆبوونه‌وه‌یه‌كی هاوبه‌شی نێوان فه‌رمانده‌یی ئۆپه‌راسیۆنه‌كانی دیاله‌، فه‌رمانده‌یی پۆلیس و فیرقه‌ی 5ی سوپا چوارشه‌ممه‌ ئه‌نجامدرا.

لایه‌نه‌ به‌شداربووه‌كان چه‌ند كێشه‌یه‌كیان تاووتوێ كرد، له‌نێویاندا دۆخی ئه‌منیی گونده‌كانی موخه‌یسه‌، ئه‌بو خه‌نازیر، ئه‌بو كه‌رمه‌ له‌ ناوچه‌ی وه‌قف له‌دژی پێشێلكارییه‌ دووباره‌بووه‌كانی تیرۆریستان له‌ شه‌واندا.

له‌ پێشێلكارییه‌كی ئه‌منیی ئه‌مدواییانه‌دا، چه‌كدارانی داعش شه‌وی سێشه‌ممه‌ هێرشیانكرده‌ سه‌ر خاڵێكی پشكنینی ئه‌منی له‌ ئه‌بو كه‌رمه‌، ئه‌مه‌ش بووه‌ هۆی برینداربوونی دوو پۆلیس.

image

فه‌رمانده‌كانی سوپای عێراق به‌ووردی چاودێری بارودۆخی ئه‌منی ده‌كه‌ن له‌ گونده‌كانی پارێزگای دیاله‌، 21 ته‌موز. [خاوه‌نی وێنه‌: وه‌زاره‌تی به‌رگری عێراق]

محه‌مه‌د وتی له‌ كۆبوونه‌وه‌كه‌دا، سه‌ركرده‌ ئه‌منییه‌كان "بڕیاریاندا زنجیره‌یه‌ك رێوشوێن بگرنه‌به‌ر بۆ ئه‌مینكردنی ئه‌و گونده‌ كشتوكاڵیانه‌ و له‌ناوبردنی هه‌ڕه‌شه‌ تیرۆریستییه‌كان".

وتی: "ئه‌و رێوشوێنانه‌ی گرتوومانه‌ته‌به‌ر پێكدێن له‌ بڵاوه‌پێكردنی یه‌كه‌كانی سوپا و پۆلیس له‌ ناوه‌وه‌ و ده‌وروبه‌ری گونده‌كان، زیادكردنی خاڵه‌كانی چاودێری و دروستكردنی ته‌پۆڵكه‌ بۆ گرتنی نێوان گونده‌كان و ئه‌و ناوچانه‌ی له‌ڕووی ئه‌منییه‌وه‌ لاوازن."

چه‌ندین كامێرای گه‌رمیبینی دوورمه‌ودا دانراون بۆ چاودێریكردنی جموجۆڵی چه‌كداره‌كان و هه‌ڵوه‌شاندنه‌وه‌ی هێرشه‌كانیان و هه‌وڵه‌كانی سنووربه‌زاندیان له‌ ره‌ز و كێڵگه‌كانی ده‌وروبه‌ری گونده‌كه‌دا.

محه‌مه‌د وتی جگه‌ له‌مانه‌ش، هێزه‌ ئه‌منی و هه‌واڵگرییه‌كان گه‌ڕان و پشكنینه‌كانیان بۆ ئاشكراكردنی حه‌شارگه‌كانی داعش له‌ زه‌وییه‌ كشتوكاڵییه‌كان و ئه‌و ناوچانه‌ی گژوگیای خۆڕسكی زۆریان لێیه‌، زیاتر كردووه‌.

پێشڤه‌چوونی لایه‌نی ئه‌منی

محه‌مه‌د وتی: "ئۆپه‌راسیۆنه‌ پێشوه‌خته‌كانمان له‌و ناوچانه‌ له‌ دوو رۆژی رابردوودا بوونه‌ هۆی ئاشكراكردن و له‌ناوبردنی سێ ئارامگه‌ی تیرۆریستان كه‌ چه‌ندین چه‌ك و كه‌لوپه‌ل و خواردنیان له‌نێودابوو."

وتی دۆخی ئه‌منی له‌و ناوچانه‌ له‌ئێستادا جێگیره‌. "هه‌موو شتێك له‌ژێر كۆترۆڵدایه‌، خوێندگه‌كان كراونه‌ته‌وه‌ و خه‌ڵك ژیانی رۆژانه‌ی خۆیان ده‌ژین."

ناوبراو وتی: "هه‌روه‌ها ئێمه‌ چه‌ندین رێگه‌مان كردۆته‌وه‌ كه‌ پێشتر به‌ چه‌ند هۆكارێكی ئه‌منی داخرابوون، به‌تایبه‌تی له‌نێوان گونده‌كانی خه‌نازیر و ناوچه‌ی ئه‌بو سه‌یدا سه‌غیره‌."

وتیشی ئه‌مه‌ خزمه‌ت به‌ زیادكردنی دڵنیایی لای خه‌ڵكی ده‌كات سه‌باره‌ت به‌ رێوشوێنه‌ ئه‌منییه‌ نوێكان.

ئەم بابەتەت بەدڵە؟
0
نەخێر

0 كۆمێنت

رێوشوێنەکانی کۆمێنت نوسین
Captcha