https://diyaruna.com/ckb/articles/cnmi_di/features/2019/08/22/feature-04

×
×
ئاساییش |

خۆرهه‌ڵاتی غۆته‌ له‌ژێر گوشاردایه‌ له‌كاتێكدا رژێم كۆنترۆڵ ده‌گرێته‌وه‌ ده‌ست

وەلید ئەبولخەیر لە قاهیرە

image

هێزه‌كانی رژێمی سوریا له‌ خۆرهه‌ڵاتی غۆته‌ ده‌بینرێن، ناوچه‌یه‌كی پێشووی ژێرده‌ستی ئۆپۆزسیۆن له‌ ده‌ره‌وه‌ی دیمه‌شق. [وێنه‌كه‌ له‌ تۆڕه‌ كۆمه‌ڵایه‌تییه‌كان بڵاوبۆته‌وه‌]

چالاكوانێكی ناوخۆ وتی رژێمی سوریا هه‌موو جۆره‌ گوشارێكی خستۆته‌ سه‌ر دانیشتوانی خۆرهه‌ڵاتی غۆته‌ كه‌ پێده‌چێت پلانێكی سیسته‌ماتیك بێت بۆئه‌وه‌ی وایان لێبكه‌ن ماڵه‌كانیان به‌جێبهێڵن و بڕۆن بۆ ناوچه‌كانی تر.

چالاكوانێكی غۆته‌، محه‌مه‌د به‌یك به‌ دیارونای وت كه‌ خزمه‌تگوزارییه‌ سه‌ره‌تاییه‌كان هێشتا به‌رده‌ست نین، گه‌نجانی ناوچه‌كه‌ش ده‌ستگیرده‌كرێن سه‌رباری ئه‌وه‌ی رێكه‌وتننامه‌ی ئاشته‌وایی ئه‌وانیش ده‌گرێته‌وه‌.

ناوبراو وتی دوای هه‌ڵگرتنی ئه‌و گه‌مارۆیه‌ی خرابووه‌ سه‌ر خۆرهه‌ڵاتی غۆته‌ -- ناوچه‌یه‌كی پێشووی ژێرده‌ستی ئۆپۆزسیۆن له‌ ده‌ره‌وه‌ی دیمه‌شق -- چوونه‌وه‌ ناوچه‌كه‌ دوای رێكه‌وتننامه‌كان، رژێم له‌ ناوه‌وه‌ گه‌مارۆی خسته‌سه‌ر.

به‌یك وتی: "گه‌نجان به‌ هه‌ڕه‌مه‌كی ده‌ستگیركرده‌كرێن و ده‌برێن بۆ لقه‌ ئه‌منییه‌كان و له‌سه‌ر تێوه‌گلانی پێشوویان له‌ چالاكییه‌كانی ئۆپۆزسیۆن لێپرسینه‌وه‌یان له‌گه‌ڵدا ده‌كرێت، سه‌رباری ئه‌وه‌ی رێكه‌وتننه‌كان هه‌موو تۆمه‌ته‌كانی دژیان سڕیبووه‌وه‌."

image

لافیته‌یه‌ك كه‌ له‌ ناحیه‌ی شێخ ئیبراهیم له‌ شارۆچكه‌ی كه‌فر به‌تنای خۆرهه‌ڵاتی غۆته‌ هه‌ڵواسراوه‌ ده‌ریده‌خات كه‌ ناوه‌كه‌ی گۆڕاوه‌ به‌ عه‌رین. [وێنه‌كه‌ له‌ تۆڕه‌ كۆمه‌ڵایه‌تییه‌كان بڵاوبۆته‌وه‌]

ناوبراو وتی ده‌ستگیركراوه‌كان له‌ زۆربه‌ی حاڵه‌ته‌كاندا ده‌برێن بۆ كه‌مپه‌كانی خزمه‌تی سه‌ربازیی زۆره‌ملێ و دواتریش ده‌گوێزرێنه‌وه‌ بۆ ئیدلیب بۆ ئه‌وه‌ی به‌شداربن له‌و شه‌ڕه‌ی له‌وێ له‌ئارادایه‌.

وتیشی ئه‌مه‌ به‌هه‌مان شێوه‌یه‌ بۆ ئه‌وانه‌ش كه‌ خۆیان داوای جێبه‌جێكردنی خزمه‌تی سه‌ربازی ده‌كه‌ن.

به‌گوێره‌ی به‌یك، خزمه‌تگوزارییه‌ سه‌ره‌تاییه‌كان له‌ شارۆچكه‌ و گونده‌كانی خۆرهه‌ڵاتی غۆته‌ تاڕاده‌یه‌ك بوونیان نییه‌، له‌كاتێكدا ناوچه‌كه‌ هێشتا بێ كاره‌با و ئاو و نه‌خۆشخانه‌یه‌.

به‌یك وتی دانیشتوانه‌كه‌ پێیان وتراوه‌ كه‌ ده‌بێت ته‌واوی باج و پاره‌ی كاره‌با و ئاو له‌ 2011ه‌وه‌ بده‌ن پێشئه‌وه‌ی بتوانن ژمێره‌ری كاره‌با وه‌ربگرن.

ناوبراو وتی چوونه‌ دیمه‌شقیشیان لێ قه‌ده‌غه‌كراوه‌ به‌بێ بوونی مۆڵه‌ت له‌ به‌رپرسانی ئه‌منی -- كه‌ ده‌كرێت مانگێك یان زیاتر بۆ وه‌رگرتنی بخایه‌نێت. وتیشی چه‌كدارانی هه‌موو یه‌كه‌ ئه‌منییه‌كان به‌ چڕی له‌ ناوچه‌كه‌ جێگیركراون.

ئاماژه‌كانی ستراتیژیی رژێم

به‌یك وتی له‌كاتێكدا هێزه‌كانی رژێم به‌رده‌وامن له‌ ده‌ستبه‌سه‌رداگرتنی موڵكوماڵی ئه‌و دانیشتوانه‌ی بۆ ناوچه‌كانی تری سوریا یان وڵاتانی دیكه‌ هه‌ڵهاتوون.

ناوبراو روونیكرده‌وه‌: "ئه‌و موڵكوماڵه‌ ئێستا له‌لایه‌ن پشتیوانانی رژێمه‌وه‌، كه‌ خه‌ڵكی ده‌ره‌وه‌ی ناوچه‌كه‌ن، داگیركراون، ده‌شبنه‌ هۆیگۆڕانێكی دیمۆگرافی."

به‌یك وتی مه‌به‌ستی رژێم خه‌ریكه‌ روونترده‌بێته‌وه‌ و ئاماژه‌ی كرد به‌وه‌ی رژێم "به‌ئاشكرا مه‌به‌ستێتی پشتێنه‌یه‌كی ئه‌منی به‌ده‌وری دیمه‌شقدا دروستبكات".

هه‌روه‌ها وتی بۆ جێبه‌جێكردنی ستراتیژییه‌كه‌ی، رژێم ناوی چه‌ند ناوچه‌یه‌كی گۆڕیوه‌ و ناوی نوێی لێناون كه‌ دڵسۆزی و به‌ئه‌مه‌كی بۆ رژێم ده‌رده‌خه‌ن.

ناوی ناحیه‌ی شێخ ئیبراهیم له‌ كه‌ف به‌تنا گۆڕاوه‌ به‌ عه‌رین (لانه‌ی شێر)، وه‌ك ئاماژه‌یه‌ك بۆ به‌شار ئه‌سه‌دی سه‌رۆكی سوریا، بۆنمونه‌.

وتی هه‌روه‌ها ناوی گه‌ڕه‌كێكیش له‌ عه‌ین تارمه‌ گۆڕاوه‌ به‌ ڕه‌ئیس (سه‌رۆك).

ئەم بابەتەت بەدڵە؟
1
نەخێر
0 كۆمێنت
رێوشوێنەکانی کۆمێنت نوسین
Captcha