هه‌واڵه‌كانی عێراق
سیاسەت

سوریەکان باجی دەستێوەردانی روسیا و ئێران دەدەن

وەلید ئەبولخەیر لە قاهیرە

سەربازانی روسیا موشەك ئامادەدەکەن لە بنکەیەکی فڕۆکەوانی روسیا لە سوریا. [وێنەکە لەسەر تۆڕە کۆمەڵایەتیەکان بڵاوبۆتەوە]

سەربازانی روسیا موشەك ئامادەدەکەن لە بنکەیەکی فڕۆکەوانی روسیا لە سوریا. [وێنەکە لەسەر تۆڕە کۆمەڵایەتیەکان بڵاوبۆتەوە]

هەرچەندە هێزەکانی روسیا و سوپای پاسدارانی شۆڕشی ئیسلامی ئێران (پاسداران) یارمەتی رژێمی سوریایان داوە بۆ کۆنترۆڵکردنەوەی زۆربەی وڵات، یارمەتیەکەیان باجێکی گەورەی هەیە، چالاکوانانی سوریا وتیان.

وتیان روسیا و ئێران کێبڕکێیانە لەسەر فراوانکردنی هه‌ژمونی خۆیان لە سوریا و چنینەوەی قازانجی سیاسی، سەربازی و ئابوری بۆ خۆیان، هەرچەندە ئەوە لەسەر حسابی خەڵکی سوریایە.

توێژەری سیاسی، عەبدولنەبی بەکار بە دیارونای وت: "هەردوولا دەیانەوێت نفوزی سیاسی و سەربازی خۆیان فراوانبکەن و زۆرترین پشکی بنیاتنانەوە بەدەستبهێنن."

وتی هەوڵدەدەن کۆنترۆڵی سەرچاوە سروشتیەکانی وڵاتەکە بکەن، وەك نەت و کانزاکان، بە بەستنەوەی رژێم بە گرێبەستی درێژمەوداوە.

سەربازێکی روسی فڕۆکەیەکی بێفڕۆکەوان ئامادەدەکات بۆ ئەنجامدانی چاودێری لە شاری حەلەبی سوریا. [وێنەکە لەسەر تۆڕە کۆمەڵایەتیەکان بڵاوبۆتەوە]

سەربازێکی روسی فڕۆکەیەکی بێفڕۆکەوان ئامادەدەکات بۆ ئەنجامدانی چاودێری لە شاری حەلەبی سوریا. [وێنەکە لەسەر تۆڕە کۆمەڵایەتیەکان بڵاوبۆتەوە]

وتی سەرچاوەکان "تەنیا هی خەڵکی سوریان" و ئاماژەیکرد بەوەی رێککەوتنەکان ئەم سەرچاوانە لەدەستیان دەردەهێنن بۆ ماوەیەکی درێژ.

بەکار وتی هاوکات، روسیا و پاسداران پشتگیریی میلیشیاکانی ناوچەکە دەکەن بۆ درێژکردنەوەی شەڕ، بەوجۆرەش خەڵکی سوریا لە بازنەی توندوتیژییه‌كاندا ده‌هێڵنه‌وه‌.

روسیا سەرچاوەکانی سوریا بۆخۆی دەبات

پارێزەری سوری، بەشیر بەسام بە دیارونای وت هێزەکانی روسیا لە سوریا ئامادەیی خۆیان لە ناوچەکە زیاتردەکەن و ناوچەی نوێ دەخەنە ژێردەستیانەوە، راستەوخۆ و لەڕێی ئەو میلیشیایانەشەوە کە پارەیان پێدەدەن.

وتی لەڕێی ئەم کارانەوە، روسەکان دەیانەوێت کۆنترۆڵی سەرچاوە سروشتیە گرنگەکان بکەن و هەوڵدەدەن سەرەتا لەڕووی سەربازییەوە کۆنترۆڵی ناوچەکە بکەن و دواتر رێکەوتن واژۆبکەن لەگەڵ حکومەتی سوریا بۆ قۆستنەوەی سەرچاوە سروشتیەکانی ئەم ناوچانە.

وتیشى سەرچاوە سروشتیە خوازراوەکان بریتین له‌ نه‌وتی خاو و فۆسفات و سیلیکۆن.

وتی روسیا بەمدواییانە رێککەوتنێکی 49 ساڵەی واژۆکردووە لەگەڵ رژێمی سوریا بۆفراوانکردنی دامودەزگا دەریاوانییه‌ سەربازییه‌كانی روسیالە بەندەری تەرتوسی سوریا.

ئەمە پێگەیەك دەداتە روسیا لە دەریای ناوەڕاستدا.

بەسام وتی لە هەوڵیدا بۆ بەدەستهێنانی خواسته‌كانی، روسیا حساب بۆ خۆشگوزەرانی و سەلامەتی خەڵکی سوریا ناکات.

وتی بۆنمونە بە په‌یڕه‌وكردنی کارنامەی خۆی لە ناوچەی ئیدلیب، فڕۆکە جەنگیەکانی روسیا دەیان هێرشی ئاسمانییان ئەنجامداوەبەبێ حسابکردنی تەواو بۆ خەڵکە مەدەنیەکە و لەئەنجامدا سەدان کەس برینداربوون.

ئەمە سەرەڕای ئه‌و رێکەوتنه‌ی لە ئەیلولدا روسیا لەگەڵ تورکیا کردی بۆ دروستکردنی ناوچەیەکی بەربەست بەمەبەستی رێگرتن لە ئەگەری هێرشێکی کارەساتباری رژێم بۆ سەر ئیدلیب.

گەندەڵی بڵاوبۆتەوە

بەسام وتی هێزەکانی روسیا لە بنکەی فڕۆکەوانی حمه‌یمی رژێمی سوریا سەرپەرشتی ئەو میلیشیانە دەکەن كه‌ لە حەلەب و باشوری سوریان و باج دەسەپێنن و رێگە دەگرن و پێکدادان لەگەڵ میلیشیاکانی سەر بە ئێران دەکەن.

وتی ئەمەش بۆتە هۆی ناسەقامگیری و سەختی ئابوری و ئاماژەیکرد بەوەی ئەو مەدەنیانەی بەهۆی شەڕەوە ئاوارەبوون و گەڕاونەتەوە "دوای ئەوەی بەڵێنی ئاسایش و سەلامەتییان پێدراوە" هەمان ئەوانەن کە باجەکەی دەدەن.

بەسام وتی: "روسیا هیچ کۆمەکێکی راستەقینە نادات بە مەدەنیە سورییەکان." ئاماژەیکرد بەوەش كه‌ زۆر ناوچەی ژێردەستیان هێشتا کارەبا و ئاویان نیە.

وتی لەم ناوچانە نرخی شمەك بەرزە بەهۆی ئەو باجەی سەپێنراوە لەلایەن ئه‌و بازگە پڕچەکدارانەوە کە لەلایەن میلیشیاکانی سەر بە روسیاوە دانراون.

پاسداران هەوڵی مانەوەی درێژمەودا دەدات

توێژەرێكی ناوەندی شەرق بۆ توێژینەوە ناوچەیی و ستراتیژییەکان، فەتحی سەید وتی هاوکات، پاسداران و میلیشیاکان مۆڵەتیان داوە بەخۆیان "بۆ بەکارهێنانی خاکی سوریا و سەرچاوەکانی خەڵکی سوریا".

بە دیارونای وت پاسداران هەوڵی بەهێزکردنی بوونی خۆی دەدات لە سوریا و میلیشیاکانی دەبەستێتەوە بە هێزەکانیەوە لە وڵاتانی دیکە تا "خەونی درێژمەودای بەدەستبهێنێت لە دامەزراندنی رێگەیەك بۆ بەستنەوەی تاران بە دەریای ناوەڕاستەوە".

سەید کە پسپۆڕی کاروباری ئێرانە، وتی: "پاسداران چاویشی لەسەر بردنەوەی زۆر پرۆژەی بنیاتنانەوەیە کە بۆ ناوچەکانی سوریا گرنگن."

وتی رژێمی سوریا لەئێستاوە چەندین رێکەوتنی واژۆکردووەکە کۆمپانیاکانی پاسداران جێبەجێیدەکەن، کە رێگەیەکیش دەداتە پاسداران بۆ خۆلادان لەسەر ئەو سزایانەی بەسەریدا سەپێنراون.

وتیشی: "تەنانەت رێکەوتنێك هەیە بۆ ئاسانکاریی گواستنەوەی بانکی لەنێوان ئەو دوو وڵاتەدا کە ئێران سەپاندوێتی بۆ خۆلادان لە سزاکان."

ئەم بابەتەت بەدڵە؟

0 كۆمێنت
رێوشوێنەکانی کۆمێنت نوسین * واتە ئەم خانەیە پێویستە 1500 / 1500