هه‌واڵه‌كانی عێراق
ئاساییش

رژێمی سوریا لە ناوچە گوندنشینەکانی حەما پێشڕەویدەکات

وەلید ئەبولخەیر لە قاهیرە

سەربازانی رژێمی سوریا دەبینرێن لە دەروازەی شاری کەفرنەبودەدا له‌ باکوری حەما. [خاوەنی وێنە: هەیسەم ئیدلیبی]

سەربازانی رژێمی سوریا دەبینرێن لە دەروازەی شاری کەفرنەبودەدا له‌ باکوری حەما. [خاوەنی وێنە: هەیسەم ئیدلیبی]

هێرشێکی توند بۆ سەر ناوچە گوندنشینەکانی حەما کە چوارشەممە (8 ئایار) دەستیپێکرد گەیشتە لوتکە بە دەستبەسەراگرتنی شاری ستراتیژیی کەفرنەبودە و شارۆچکەی قەلعەت مەزیق لەلایەن رژێمی سوریاوە، چالاکوانێك وتی.

چالاکوان هەیسەم ئیدلیبی بە دیارونای وت دوای زنجیرەیەك هێرش و کشانەوە، ئەو گروپە چەکدارانەی ئەم ناوچانەیان کۆنترۆڵکردبوو کشانەوە بۆ دەوروبەری حەما و ئیدلیبی دراوسێی.

وتی فڕۆکە جەنگیەکانی روسیا و سوریا رێخۆشکەرییان كردووه‌ بۆ پێشڕەوییەکە بە هێرشی ئاسمانی و تۆپبارانی تۆپخانە کە تەرکیزیان لەسەر کەفرنەبودە و شارۆچکەی قەلعەت مەزیق بووە بەرەو خۆرئاوا.

هێرشە زەمینیەکە بە تۆپبارانی چڕ دەستیپێکرد و بەدوایدا شەڕی چڕوپڕ هات لە کەنارەکانی کەفرنەبودە و دواتر لە گەڕەکەکانی ناوەوەی شارەکە.

چەکدارانی میلیشیای توندڕەوی جەیش عەززە تەقەدەکەن لەکاتی شەڕدا نزیك بە شاری کەفرنەبودەی پارێزگای حەما پێشئەوەی بکەوێتە دەستی رژێم. [خاوەنی وێنە: هەیسەم ئیدلیبی]

چەکدارانی میلیشیای توندڕەوی جەیش عەززە تەقەدەکەن لەکاتی شەڕدا نزیك بە شاری کەفرنەبودەی پارێزگای حەما پێشئەوەی بکەوێتە دەستی رژێم. [خاوەنی وێنە: هەیسەم ئیدلیبی]

کۆنترۆڵکردنی کەفرنەبودە چەندینجار لەنێوان رژێمی سوریا و گروپە رکابەرەکانیدا دەستی گۆڕی، تا ئۆپۆزسیۆن و گروپە توندڕەوەکان -- تەحریر شام، جەیش عەززە و بەرەی سوریای ئازاد -- دواجار کشانەوە.

شەوی چوارشەممە رژێمی سوریا کۆنترۆڵکردنی تەواوەتی کەفرنەبودەی راگەیاند.

پێنجشەممە هێرشەکانی دەستپێکردەوە و شارۆچکەی قەلعەت مەزیقی گرت.

ئیدلیبی وتی: "گرتنی کەفرنەبودە و قەلعەت مەزیق گرنگییەکی زۆری هەیە و دەکرێت باڵانسی شەڕەکە بگۆڕێت، بەهۆی شوێنی ستراتیژییانەوە."

وتیشی دەڕوانن بەسەر چەند خاڵ و رێگەیەکی سەرەکیدا و هەرکەس کۆنترۆڵی ئەو ناوچەیە بکات دەتوانێت کۆنترۆڵی دەوروبەری پارێزگاکانی حەما و ئیدلیب بکات، بەتایبەتی ناوچەكانی هاوسێی قەلعەت مەزیق، وەك ساحل غاب و خان شه‌یخون.

شەڕەکە پێشڕەویدەکات بۆ ناوچەی نوێ

ئیدلیبی وتی هەینی تۆپباران شارۆچکەکانی باکوری حەمای کەفرزیتا و لەتامینە و حوبەیتی نزیکیانی کردبووە ئامانج لە باشوری ئیدلیب.

وتی دەکرێت ئەمانە ئامانجی داهاتووی رژێمی سوریا بن، هەرچەندە پێشبینی ناکرێت شەڕەکە هێندە چڕ بێت وەك ئەوەی کەفرنەبودە.

وتیشی هاوکات دەوروبەری حەما و ئیدلیب لە هۆشداریی تەواودان لەنێو تۆپباران و هێرشی ئاسمانی بەردەوامدا کە لە ناوچە مەدەنیەکانیان داوە، بەتایبەتی شارۆچکەی تەل سەخر، کە وادیارە ئامانجی داهاتووی رژێمی سوریا بێت.

ئیدلیبی وتی ئەوەی پێشڕەوی هێرشەکەی رژێمی سوریای دەکرد بۆ سەر کەفرنەبودە و قەلعەت مەزیق، هێزی نیمری تایبەت بوو، کە پێشه‌وایی دەکرێت لەلایەن عەمید سوهەیل حەسەنی لایەنگری روسیاوه‌، كه‌ نازناوی نیمر (پڵنگ)ە.

وتی فڕۆکە جەنگیەکانی روسیا رێخۆشکەرییان کردووە بۆ هێزی پیادە بە ژمارەیەکی زۆر هێرشی ئاسمانی "هه‌روه‌ها ژمارەیەك چەکداری روسی، کە دەکرێت ئەندامیگروپی بەکرێگیراوی واگنەربن کە لە کەفرنەبودە بینراون".

ئیدلیبی وتی هەردوولا قوربانی زۆریان دا.

ئەمە بەشێكی لەبەرئەوەی هەردوو جەیش عەززە و تەحریر شام وتیان خۆکوژیان بەکارهێناوه‌ کە خۆیان لەنێو هێزە هێرشبەرەکاندا تەقاندۆتەوە.

ئەم بابەتەت بەدڵە؟

0 كۆمێنت
رێوشوێنەکانی کۆمێنت نوسین * واتە ئەم خانەیە پێویستە 1500 / 1500