هه‌واڵه‌كانی عێراق
تێرۆریزم

تەحریر شام هەوڵده‌دات بەتەواوی کۆنترۆڵی ئیدلیب بكات

وەلید ئەبولخەیر لە قاهیرە

image

دانیشتوانی کەفر نەبل پۆستەری سەرکۆنەکردنی تیرۆری چالاکوانان رائید فارس و حەمود جونەید بەرزدەکەنەوە، کە دژی تەحریر شام بوون و لە 23 تشرینی دووەم کوژران. [خاوەنی وێنە: هەیسەم ئیدلیبی]

تەحریر شام لە ناوچەکانی ژێردەستیدا دەدات بەسەر چالاکواناندا لە باکوری پارێزگای ئیدلیبی سوریا لەهەوڵێکدا بۆ کۆنترۆڵکردنی تەواوەتی ناوچەکە و سەرچاوەکانی، چالاکوانە خۆجێیەکان وتیان.

چالاکوانێكی ناوچەکە هەیسەم ئیدلیبی وتی بەزەبری هێز و بەرە سیاسییه‌كه‌ی، بەناوی حکومەتی رزگارییه‌وه‌، ئەو هاوپەیمانێتیە توندڕەوە ماوەیەکە فشارەکانی زیادکردووە لەسەر مەدەنیەکان لە ناوچەکانی ژێردەستی خۆی لەنێو ئیدلیب و دەوروبەریدا.

وتی ئەمە بۆتە هۆی ململانێ و ناڕەزایی گەورە، کە تەحریر شام بە تەقەکردن لە خۆپیشاندەران و قەدەغەکردنی خۆپیشاندان وەڵامیداوەتەوە.

خۆپیشاندانی توڕە دژی تەحریر شام لە کۆتایی تشرینی دووەمدا لەلایەن چالاکوانان و رۆژنامەوانان و دانیشتوانی شاری کەفر نەبلی پارێزگای ئیدلیبەوە ئەنجامدرا، کە لەڕووی کارگێڕییەوە بەشێکە لە قەزای مەعەرەت نوعمان.

image

چالاکوانان لە شاری عەزازی باکوری حەلەبی سوریا خۆپیشاندان دەکەن دژی مامەڵەی خراپی تەحریر شام. [خاوەنی وێنە: هەیسەم ئیدلیبی]

خۆپیشاندانەکان، کە 26 تشرینی دووەم دەستیانپێکرد، به‌دوای کوشتنی چالاکوانانی ناوچەکە رائید فارس و حەمود جونەیدا هاتن کە داوایان لەو هاوپەیمانێتیە توندڕەوە کردبوو شارەکە بەجێبهێڵێت و کردە چەوسێنەرەوەکانی بوەستێنێت دژی خەڵكە مەدەنیەکە.

پێشتر لەم مانگەدا ئیدلیبی وتبووی ماوەیەکە تەحریر شام سەرکردە و چەکدارانی ئەو گروپە چەکدارانە دەکوژێت کە دژی ئەون.

ئەو هاوپەیمانێتیە توندڕەوە دەست بەسەر ماڵان و دوکان و خاکی کشتوکاڵیشدا دەگرێت کە خاوەنەکانیان ئاوارەبوون لە ناوچەکەلەنێویاندا موڵكوماڵی پێشووتر و ئێستای دانیشتوانی مەسیحیله‌ پارێزگای ئیدلیب.

بەئامانجکردنی چالاکوانان

چالاکوانێكی ئیدلیب، موسعەب عەساف بە دیارونای وت لەژێر رۆشنایی دەستبەسەرکردن و هەراسانکردنی چالاکوانانی كۆمه‌كبه‌خش، زۆربەی رێکخراوە فریاگوزارییەکان ناچاربوون ئۆپەراسیۆنەکانیان بوەستێنن لەترسی سەلامەتی کارمەندەکانیان.

وتی تەحریر شام هەوڵی کۆنترۆڵکردنی ئابوریی ناوچەکەشی داوە بە قۆستنەوەی نرخی سوتەمەنیو دانەوێڵە و نانەواخانەکان و ئاماژەیکرد بەوەی نرخی ئەو شمەکانە لەئێستادا لەتوانای زۆرێك لە دانیشتوانی ناوچەکەدا نیە.

رۆژنامەوانی سوری، محەمەد عەبدوڵا بە دیارونای وت: "رۆژێك تێپەڕنابێت بەبێ رفاندن و تیرۆركردن و دەستبەسەرکردن کە له‌و ناوچەیه‌ی ژێردەستی تەحریر شام روودەدەن."

وتی "زۆربەی ئەوانەی بەئامانجکراون چالاکوانی میانڕەون کە دژی بیرۆکەکانی گروپەکەن" و وادیارە بەئامانجکراون "بەشێوەیەکی بەرنامە بۆ داڕێژراو و وەك بەشێك لە پلانی بنەبڕکردنی هه‌ر کەسایەتیەکی ئۆپۆزسیۆن کە بتوانێت کاریگەریی هەبێت لەسەر رای خەڵك".

وتیشی لەنێویاندا دادوەر محەمەد نور حەمیدی هەیە، کە لە ئەیلول رفێنرا و "دواتر بەبڕی 70,000 دۆلار ئازادکرا".

عەبدوڵا وتی: "ناسنامەی رفێنەرەکان دەرخران وەك ئەندامانی تەحریر شام."

رفاندن بۆ پارە

عەبدوڵا وتی کەیسی دیکە هەن وەك رفاندنی واسل عومەر، بازرگانێك کە لە ناوەندی شاری ئیدلیب ئازادکرا بە ئامادەبوونی ئەندامانی تەحریر شام لە ئەیلول، بە بڕی 300,000 دۆلار.

وتیشی پێشتر لەمساڵدا، دکتۆر مەحمود موتڵەق ئازادکرا لەبەرامبەر 120,000 دۆلاردا و هەمان بڕ درا بۆ ئازادکردنی دوو دکتۆری دیکە، خەلیل ئاغا و عیماد قەتینی.

وتی: "جیا لەوەش، بازرگانێك کە لە تەحریر شام جیابووه‌وه‌ بەناوی زاهیر مەعمار لە بەرامبەر 80,000 دۆلار ئازادکرا و قوربانییەکی دیکە بەرپرسێکی مانگی سوور بوو لە شارۆچکەی سەلقین کە ئازادکرا لە بەرامبەر 300,000 دۆلاردا."

وتیشی "وادیارە رفاندن بەرامبەر پارە بۆتە سەرچاوەی داهات [بۆ تەحریر شام]،" لەکاتێکدا کە سەرچاوەکانی دیکەی داهات، وەك بەخشین و بازرگانی نایاسایی، کە پێشتر ملیۆنانیان بۆ پەیدادەکرد، نەماون.

ئەم بابەتەت بەدڵە؟

0 كۆمێنت
رێوشوێنەکانی کۆمێنت نوسین * واتە ئەم خانەیە پێویستە 1500 / 1500