لە ئاماژەیەکدا بەوەی کاریگەریی روخێنەری رێکخراوی "دەوڵەتی ئیسلامی لە عێراق و سوریا" (داعش) لاوازدەبێت، تەکیەكانی سۆفییەکان -- ئەو بینایانەی گردبوونەوەی ئایینییان تێدا ئەنجامدەدرێت -- لە پارێزگای ئەنبار دەکرێنەوە، بەرپرسانی ناوچەکە و زانایانی سۆفی وتیان.
سۆفیگەری شێوازێکە لە تهسهوف و عیرفانی ئیسلامی کە تەرکیزی لەسەر خودئهندێشی و نزیکایەتیە لە خوداوە و شوێنکەوتوانی لە سوننە و شیعەش هەیە.
لەکاتی فەرمانڕەوایی داعشدا رووبەڕووی هێرش بووەوە، چونکە گروپەکە شوێنکەوتوانی باوەڕەکانی دیکەی، بە سۆفیگهریشەوە، بە كافر لهقهڵهمدهدا.
ئەندامی ئەنجومەنی پارێزگای ئەنبار، سەباح کەرحوت بە دیارونای وت گهڕانهوهی تەکیەکان بۆ پارێزگاکە "ئاماژەیەکی روونە" بە سەرکەوتنی ئۆپەراسیۆنەکان بۆ لەناوبردنی داعش لە ناوچەکە.
وتی داعش "دوژمنی بزووتنەوەی سۆفیگەرییە" و ئاماژەیکرد بەوەی سۆفیەکان بهشێكی گرنگ و دانەبڕاون لە ئاوێزەی ئایینیی پارێزگاکە.
وتی سۆفیگەری "داوای ئاشتی و دۆستایەتی دەکات لەنێو خەڵکی عێراقدا" و تایهفهگهرایی و توندڕەوی و توندوتیژی رەتدەکاتەوە.
کەرحوت وتی چەند ناوچەیەك هەن لە ئەنبار کە بزوتنەوەی سۆفیگەری ئامادەییەکی بەهێزی هەیە و خواستێکی بەهێز هەیە لە دانیشتوانەوە بۆیان بەهۆی ئایدۆلۆژیاکەیانەوە.
وتی ژمارەیەك سۆفی لەكاتی داعش و شەڕەکاندا بۆ دەرکردنی گروپەکە گیانیان لەدەستدا و وتیشی داعش چەند تەکیەیەکی تەقاندەوە.
شێخ حەمەدەڵا مەحمود کە سەرپەرشتی تەکیەی قادریە دەکات لە فەلوجە، وتی داعش نزیکەی 44 سۆفی کوشتووە و 22ی دیکەی بریندارکردووە.
بە دیارونای وت گروپەکە 30 تەکیەشی وێرانكرد یان کردنیه ئامانج لە چەندین قەزای ئەنبار.
مەحمود وتی: "تەکیەكانی سۆفیەکان، لەنێویاندا تەکیەی قادریەکان، نەقشبەندیەکان، شازلیەکان، کەسنەزانی و ریفاعیەکان [تەریقەته ئایینییهكانی سۆفیگەری]، خەڵك لەیەکتر نزیکدەکەنەوە."
وتیشی لەکاتی گردبوونەوە ئایینیەکانیاندا، سۆفیەکان "نزا دەکەن بۆ پاراستنی عێراقیەکان لە شەڕانگێزیی تیرۆریزم و تاوانکاری و داوا لە دانیشتوان دەکەن پەیڕەویی یاسا بکەن و رێز لە دادوەری بگرن".
دووباره نەریتەکانیان جێبهجێدهكهن
شێخ خەمیس محەمەدی کە سەرپەرشتیی تەکیەی شافعیەکان دەکات لە رەمادی، وتی داعش سۆفیەکانی بە "هەڵگەڕاوە" لەقەڵەمدەدا و بزووتنەوەی سۆفیەکانی لە ئەنبار قەدەغەکرد لەکاتی فەرمانڕەوایی خۆیدا.
بە دیارونای وت كه ئەو گروپە توندڕەوە هەندێك نۆرم و نەریتی ئایینیشی قەدەغەکرد، وەك دوعا (نزاکردن)، نوێژكردن بۆ پەیامبەر و نوێژی تەراویحی شەوانە لەکاتی مانگی رەمەزاندا.
محەمەدی وتی: "بزوتنەوەی سۆفیگەری و هەموو تەریقەتە ئایینیەکان نەریت و بەهای باڵای هاوبەشیان هەیە کە داوای برایەتی و یەکێتی دەکەن و بیرۆکەی توندڕەوی و نالێبوردەیی ئایینی رەتدەکەنەوە."
وتی ئێستا تەکیەکانی ئەنبار دووبارە دەستیانکردۆتەوە بە رێکخستنی فیستیڤاڵی ئایینی و کلتوری و ئەدەبی، لەگەڵ وانەی قورئانخوێندن و ئاماژەیکرد بەوەی ئەم بۆنانە بەگشتی بۆ خەڵك کراوەن.
وتشی زۆرجار زانایان و پیاوانی ئایینی وتاردەدەن دەربارەی ئەو کێشانەی پەیوەندییان بە هەموانەوە هەیە، لەنێویاندا دەرخستنی رووی راستەقینەی ئایدۆلۆژیای توندڕەوی و داواکردنی ئاشتی و پێکەوەژیان بۆ هەموو کۆمەڵگە ئایینیەکانی عێراق.
حەیدەر عەباس مەعموری، دانیشتووی رەمادی، بە دیارونای وت تەکیەکان "رێچکەیەکی گرنگیان گرتووە، رێچکەی ئاشتی و خۆشەویستی".
وتی لەبەر ئەوە، لە تەکیەکاندا ئامادەدەبێت بۆ ئەنجامدانی نوێژ و نەریتە ئایینیەکان.
پسپۆڕی ئەمنی و شیکاروانی سیاسی، حەمید عەکاشی وتی: "لە ساڵانی رابردوودا سۆفیەکان دوژمنی سەرسەختی گروپە تیرۆریستیەکان بوون، لەبەرئەوەی رێچکەی هزری سۆفیەکان دژی مهنههج و بیروباوهڕی تیرۆریزمە."