ئاساییش

بە وێنە: هێزەکانی عێراق دەچنە ناوچە تازە رزگارکراوەکانی موسڵەوە

دیارونا

هێزەکانی ئاژانسی دژە-تیرۆری عێراق گەڕەکی تەحریر لە خۆرهەڵاتی موسڵ پاکدەکەنەوە دوای شکستپێهێنانی 'دەوڵەتی ئیسلامی لە عێراق و شام'. [خاوەنی وێنە: هێزەکانی ئاژانسی دژە-تیرۆر]

هێزەکانی ئاژانسی دژە-تیرۆر گەڕەکی تەحریر لە خۆرهەڵاتی موسڵ ئەمین دەکەن دوای گرتنەوەی لەدەستی 'دەوڵەتی ئیسلامی لە عێراق و شام'. [خاوەنی وێنە: هێزەکانی ئاژانسی دژە-تیرۆر]

خاتونێکی عێراقی لە ناوچەی موحاریبینی موسڵ ئاماژەی سەرکەوتن بەرزدەکاتەوە لەکاتی تێپەڕینی هێزە ئەمنیەکان بە گەڕەکەکەیدا دوای ئەوەی لەدەستی 'دەوڵەتی ئیسلامی لە عێراق و شام' ئازادیان کرد. [خاوەنی وێنە: یەکەی هێزە تایبەتەکانی عێراق]

فەرماندەی ئاژانسی دژە-تیرۆر فەریق عەبدولوەهاب ساعیدی ئەو خەڵکەی تەحریر بەسەردەکاتەوە کە مابوونەوە لەکاتی نزیکبوونەوەی دەستپێکی ئۆپەراسیۆنی ئازادکردنی موسڵدا. [خاوەنی وێنە: هێزەکانی ئاژانسی دژە-تیرۆر]

فەرماندەی ئاژانسی دژە-تیرۆر فەریق عەبدولوەهاب ساعیدی رێنمایی دەداتە هێزەکانی لەکاتی وەستانی لەبەردەم فەرماندەییەك و بنکەیەکی کارڕاییکردنی تێکشکاوی داعشدا لە گەڕەکی عەدل لە خۆرهەڵاتی موسڵ. [خاوەنی وێنە: هێزەکانی ئاژانسی دژە-تیرۆر]

هاوڵاتیەکی عێراقی زانیاری دەداتە ئەفسەرێکی سوپا دەربارەی شوێنی چەکدارانی داعش لە گوندی گیلیۆ خان لە باشوری خۆرهەڵاتی موسڵ، دوای ئەوەی لە 26 تشرینی دووەم ئازادکرا. [خاوەنی وێنە وەزارەتی بەرگریی عێراق]

ئەفسەرێکی سوپای عێراق چاودێری شەقامەکانی گەڕەکی تازە رزگارکراوی ئەمین دەکات لە خۆرهەڵاتی موسڵ لە 26 تشرینی دووەم، لە ئۆتۆمبیلێكدا کە هێزە ئەمنیەکانی عێراق لە دەستی 'دەوڵەتی ئیسلامی لە عێراق و شام'یان سەندەوە. [خاوەنی وێنە: یەکەی هێزە تایبەتەکانی عێراق]

مزگەوتی ئەهلول بەیت لە خۆرهەڵاتی موسڵ لە تشرینی دووەمدا دوای ئەوەی ناوچەکە لە چەکدارانی 'دەوڵەتی ئیسلامی لە عێراق و شام' پاککرایەوە. [خاوەنی وێنە: هێزەکانی ئاژانسی دژە-تیرۆر]

کارمەندانی حکومەتی عێراق زانیاری کۆدەکەنەوە لە خەڵکی گەیارە تا تۆماریان بکەن لە پرۆگرامێکی کۆمەکی داراییدا دوای ئەوەی قەزاکە لە ئابی رابوردودا رزگارکرا. [خاوەنی وێنە: وەزارەتی کار و کاروباری کۆمەڵایەتی عێراق]

هێزەکانی عێراق شەڕی "دەوڵەتی ئیسلامی لە عێراق و شام" (داعش) دەکەن لە قوڵایی خۆرهەڵاتی موسڵدا و بەرەو خۆرهەڵاتی دیجلە دەچن کە شارەکە دابەشدەکات. موسڵ دواهەمین بنکەی سەرەکی گروپەکەیە لە عێراقدا.

چوارشەممە (30 تشرینی دووەم)، زیاد لە شەش هەفتە دوای هێرشەکە، هێزەکانی عێراق بە دەیان گوند و گەڕەکیان لە ناو موسڵدا گرتەوە ، لە نێویاندا گەڕەکەکانی تەحریر، عەدل، ئەمین و موحاریبین لە قەراغی خۆرهەڵاتی شارەکە.

خەڵکی ناوچەکە پێشوازی لە هێزە رزگارکەرەکان دەکەن بە ئامێزی کراوەوە و هوتافکێشانەوە سەیری ڤیدیۆکە بکە ) لەگەڵ تەواوبوونی زیاتر لە دوو ساڵ لە فەرمانڕەوایی ستەمکارانەی داعش. زۆر کەس هاوکاریی هێزەکانی عێراق دەکەن، زانیاری هەواڵگرییان دەدەنێ دەربارەی شوێنی خۆشاردنەوە و گردبونەوەی داعش.

ئەم بابەتەت بەدڵە؟
42
1 كۆمێنت
رێوشوێنەکانی کۆمێنت نوسین * واتە ئەم خانەیە پێویستە 1500 پیتت ماوە بینووسیت (1500 MAX)

سه‌ركه‌وتن بۆ عێراق!

وه‌ڵام بده‌ره‌وه‌