Du mûşek li nêzî balyozxaneya Amerîkî li Bexdayê dikevin derengî şevê, jêderên ewlekarî ji AFP re ragihand roja Sêşemê zû (24ê Îlonê), diplomatên biyanî li wir ragihand ku şawirên agedarî bi awayekî dubare lê didan.

Êrîşên dawî di hundirê Zona Kesk a bi dîwar dorpêçkirî de, cihê ku mêvandarîya balozxaneyên biyanî û avahîyên hikûmeta Îraqî dike, tên li gel alozîyên ku di nav Îran û Amerîkayê de zêde dibin.

Jêdereke ewlekarî ya biyanî di hundirê Zona Kesk de got ku du mûşekên 100mm li nêzî balyozxaneya Amerîkî ketin û ya Sêya di Çemê Dicleyê de ket, çemê ku balyozxaneya Amerîkî li ser e.

"Yek ji her sê mûşekan li dergehekî li kompleksa balyozxaneyê ket," jêderê ji AFP re ragihand.

Jêdereke ewlekarî ya Îraqî ji AFP re teqez kir ku du mûşekên Katyoşayê li nêzî balyozxaneyê ketin berî nîvî şevê.

Ew hatin dîtin ku ji devereke li başûrê Baxdayê hatin avêtin cihê ku hêzên paramilîter ên Îraqî yên girêdayî Îranê lê ne.

Artêşa Îraqî got ku du topavêj li derdora Zona Kesk ketin.

Ti jêderên din ti xisarên din destnîşan nekirin û ti komê berpirsyarîya xwe derbarê êrîşê îlan nekir.

Jêderên diplomasî yên biyanî di hundirê zonê de got ku şawirên agedarî li balyozxaneya Amerîkî du caran li deverê lê dan û berî saet 1ê sibehê li gor dema xwecihî sibeha Sêşemê rawestiyan.

Êrîşa mûşekî ya dawî li ser Zona Kesk di 19 Gulanê de qewimî, tenê çend rojan piştî Amerîkayê "emrê çûna" hemû karmendên xwe yên diplomasî yên ne bingehîn li Îraqê îlan kir.