Rêxistineke xêrxwazîyê ya ji Başûrê Afrîqayê Yekşemê (28ê Nîsanê) ragihand ku wê vîdyo wergirtiye ku nîşan dide fotograferekî serbest ku li Sûrîyayê dîl e hîn zindî ye, paş bêhtirî du salan ji girtina wî, AFP ragihand.
Şîraz Mihemed di 10ê Kanûna Duyem a 2017an de hat revandin dema ku ew çûbû sînorê Turkî ji nexweşgeheke ser bi rêxistina Dîyarîya Daneran ve li bajarokê Derkûş li Sûrîyayê, ku 100 kîlometreyan li rojavayê Helebê ye.
"Dîyarîya Daneran piştrastbûna ji saxmayîna rojnameger Şîraz Mihemed wergirtiye," seroka rêxistina xêrxwazî Îmtyaz Sulêman got.
Di vîdyoyeke 30 çirke de, Mihemed li pêşbirî kesekî çekdar diaxêve roja 13ê Nîsanê.
Gelek rojnamegerên biyanî hatine revandin ji destpêka şerê Sûrîyayê di sala 2011an de, nemaze ji alîyê "Dewleta Îslamî" (DAIŞ) ve.
