Berpirsê bilind ê karûbarên mirovî yê NY bang li Encumena Ewlekarî kir roja (29ê Cotmehê) ku bi awayekî berdewam alîkarîyê bigihînin niştecîyên sivîl ên Sûrîyayê di sînor û xetên pêşîn re, tevî ku Rûsya gelekî li dijî vê yekê ye, AFP ragihand.

Mark Lowcock, wekîlê Sekretê Giştî yê NY yê karûbarên mirovî, got ku alîkarîya xwarinê ya ji alîyê NY ve vê salê rêjeya wê gihaye 750,000 kesan mehane li Sûrîyaya ku şer ew parçe kiriye.

"Berdewamkirina vê yekê ji wan kesên hewcedar re girîng e, him dabînkirina alîkarîyê û him pêşkêşkirina xizmetguzarîyan," wî got.

Wî bang kir ku bo 12 mehên din qerarên NY yên destûrê didin ku alîkarî biherikin werin nûkirin, û wî teqez kir ku ev yek "xwedî girîngîyeke mezin e".

Tevî ku di sala 2014an de bi giştî hat rikandin, qerara Encumena Ewlekarî ya derbarê nûkirina mîkanîzma alîkarîyê berî salekê hat qebûlkirin, tenê bi cuahîya 12-3 dengan, ku Rûsya, Çîn û Bolîvya deng nedan. Biryar heye ku ev desthilatdarî di 10 Kanûna Yekem a sala 2019an de bi dawî bibe.